Venezuela Earthquakes | వ‌రుస భూకంపాల‌తో వెనెజువెలాలో 32 మంది మృతి.. ప్ర‌ధాని మోదీ దిగ్భ్రాంతి

Venezuela Earthquakes | వెనెజువెలా (Venezuela)ను వ‌రుస భూకంపాలు వ‌ణికించిన విష‌యం తెలిసిందే. నిమిషాల‌ వ్య‌వ‌ధిలోనే 7.1, 7.5 తీవ్ర‌త‌తో సంభ‌వించిన రెండు భూకంపాలు విధ్వంసం సృష్టించాయి. భూ ప్ర‌కంప‌న‌ల ధాటికి భారీ భ‌వ‌నాలు నేల‌కూలాయి. రాజ‌ధాని కార‌కాస్‌తోపాటు (Caracas) దేశంలోని ప‌లు న‌గ‌రాలు తీవ్రంగా దెబ్బ‌తిన్నాయి.

ఇక ఈ విప‌త్తులో ఇప్ప‌టి వ‌ర‌కూ 32 మంది ప్రాణాలు కోల్పోయారు. సుమారు 700 మంది గాయ‌ప‌డ్డారు. ప్ర‌స్తుతం అక్క‌డ స‌హాయ‌క చ‌ర్య‌లు కొన‌సాగుతున్నాయి. మృతుల సంఖ్య భారీగా పెరిగే అవ‌కావం ఉంది. ఇక ఈ ఘ‌ట‌న‌పై ప్ర‌ధాన మంత్రి న‌రేంద్ర మోదీ (PM Modi) తీవ్ర దిగ్భ్రాంతి వ్య‌క్తం చేశారు. కుటుంబ స‌భ్యుల‌ను కోల్పోయిన వారిని సానుభూతి తెలిపారు. ఈ క‌ష్ట‌కాలంలో ఆ దేశానికి అండ‌గా ఉంటామ‌ని హామీ ఇచ్చారు.

మృతులు ల‌క్ష వ‌ర‌కు ఉండొచ్చు: యూఎస్‌జీఎస్

ఈ ప్ర‌కృతి విప‌త్తు ధాటికి భారీగా ప్రాణ‌, ఆస్తి న‌ష్టం సంభ‌వించే అవ‌కాశం ఉంద‌ని యూఎస్ జియోలాజిక‌ల్ స‌ర్వే (USGS) వెల్ల‌డించింది. మృతుల సంఖ్య 10 వేల నుంచి ల‌క్ష వ‌ర‌కు ఉండే అవ‌కాశం 44 శాతం ఉంద‌ని తెలిపింది. భారీ భూకంపాల నేప‌థ్యంలో ప్ర‌భుత్వం జాతీయ అత్య‌వ‌స‌ర ప‌రిస్థితి (State of emergency) విధించింది. ఈ భూప్ర‌కంప‌న‌ల‌కు సంబంధించిన భ‌యాన‌క దృశ్యాలు సోష‌ల్ మీడియాలో వైర‌ల్ అవుతున్నాయి.