Kishan Reddy | బ‌తుక‌మ్మ.. మ‌హిళ‌ల చైతన్యానికి ప్ర‌తీక‌

Kishan Reddy | త్రినేత్ర న్యూస్ : తెలంగాణ‌లో ఎంతో గొప్ప‌గా జ‌రుపుకునే బ‌తుక‌మ్మ పండుగ మ‌హిళ‌ల చైత‌న్యానికి ప్ర‌తీక అని కేంద్ర మంత్రి కిష‌న్ రెడ్డి పేర్కొన్నారు. బతుకమ్మ పండుగ పురస్కరించుకుని మంగ‌ళ‌వారం అంబర్‌పేట్‌లోని మహారాణా ప్రతాప్ ఫంక్షన్ హాల్‌లో నిర్వహించిన 'మహిళా చైతన్య సదస్సుస‌లో కిష‌న్ రెడ్డి పాల్గొన్నారు.

ఈ సందర్భంగా కేంద్ర మంత్రి మాట్లాడుతూ.. ఈ నెల 17న సాయంత్రం 5 గంటలకు అంబర్‌పేట గ్రౌండ్స్‌లో నిర్వహించనున్న బతుకమ్మ వేడుకల్లో మహిళా సోదరీమణులంతా పెద్ద సంఖ్యలో పాల్గొని జయప్రదం చేయాలన్నారు. గతంలో నిజాంకు, రజాకార్లకు వ్యతిరేకంగా సాగిన స్వాతంత్య్ర‌ పోరాటంలో బతుకమ్మ పండుగ ద్వారానే మహిళలు గ్రామీణ ప్రజల్లో చైతన్యం రగిలించిన విషయాన్ని ఈ సదస్సులో గుర్తుచేశారు. మహిళలను ఉద్యమానికి సన్నద్ధం చేసిన బతుకమ్మను నాడు నిజాం రజాకార్లు దుర్మార్గంగా అవమానించిన చరిత్ర మనందరికీ తెలిసిందే. అందుకే బతుకమ్మ కేవలం పండుగ మాత్రమే కాదు, మన ఆత్మగౌరవానికి, పౌరుషానికి ప్రతీక. కులమతాలకు, ధనిక-పేద తారతమ్యాలకు, వయోభేదాలకు అతీతంగా అందరూ కలిసికట్టుగా జరుపుకునే ఐకమత్య పండుగ ఇది అని కిష‌న్ రెడ్డి పేర్కొన్నారు.