Road Accident | బ‌స్టాప్‌లో నిల్చున్న వారిపైకి దూసుకెళ్లిన బొలెరో.. ఇద్ద‌రు మహిళలు దుర్మ‌ర‌ణం

Road Accident | త్రినేత్ర‌.న్యూస్‌: శంషాబాద్‌లో బొలెరో వాహనం బీభత్సం (Road Accident) సృష్టించింది. శంషాబాద్ (Shamshabad) స‌మీపంలోని శాతంరాయి వ‌ద్ద‌ రోడ్డుపక్కన బస్సు కోసం నిల్చున్న వారిపైకి బొలెరో (Bolero) దూసుకెళ్లింది. దీంతో ఇద్ద‌రు మహిళలు అక్కడికక్కడే మృతి చెందారు. మ‌రో మ‌హిళ ప‌రిస్థితి విష‌మంగా ఉంది. స్థానికుల స‌మాచారంతో ఘ‌ట‌నా స్థ‌లానికి చేరుకున్న పోలీసులు సహాయక చర్యలు చేపట్టారు. మృతదేహాలను పోస్టుమార్టం నిమిత్తం ద‌వాఖాన‌కు తరలించారు.

బెంగ‌ళూరు హైవేపై (Bengaluru Highway) మిర్చి లోడ్‌తో వెళ్తున్న బొలెరో.. ముందు వెళ్తున్న వాహనాన్ని వోవ‌ర్‌టేక్ చేయడానికి ప్ర‌య‌త్నించింది. అయితే ఒక్కసారిగా వాహనం అదుపుత‌ప్ప‌డంతో బస్టాప్‌లో ఉన్న మహిళలపైకి దూసుకొచ్చింది. దీంతో ముగ్గురు మహిళలు దానికింద నలిగిపోయారు. తీవ్రంగా గాయ‌ప‌డిన ఇద్ద‌రు ఘ‌ట‌నా స్థ‌లంలోనే మ‌ర‌ణించారు. ఈ ఘటనతో ఆ ప్రాంతంలో భారీగా ట్రాఫిక్‌ జామ్‌ అయ్యింది. వాహ‌నాలు స‌జావుగా వెళ్లేందుకు రూట్‌ను క్లియ‌ర్ చేస్తున్నారు. మృతుల వివ‌రాలు తెలియాల్సి ఉంది.