Traffic Restrictions | నేడు సన్‌రైజర్స్ చెన్నై.. ఉప్ప‌ల్‌లో ట్రాఫిక్ ఆంక్ష‌లు

Traffic Restrictions | త్రినేత్ర‌.న్యూస్‌: ఐపీఎల్‌లో (IPL) భాగంగా ఉప్ప‌ల్ స్టేడియంలో (Uppal Stadium) మ‌రో బిగ్‌ఫైట్‌కు రంగం సిద్ధ‌మైంది. చెన్నై సూప‌ర్ కింగ్స్‌తో సన్‌రైజర్స్ హైద‌రాబాద్ (SRH vs CSK) త‌ల‌ప‌డ‌నుంది. శ‌నివారం సాయంత్రం 7.30 గంట‌ల‌కు ఈ మ్యాచ్ ప్రారంభం కానుంది. ఈ నేప‌థ్యంలో స్టేడియం ప‌రిస‌రాల్లో పోలీసులు ట్రాఫిక్ ఆంక్ష‌లు (Traffic Restrictions) విధించారు. మ‌ధ్యాహ్నం 12 నుంచి రాత్రి 12 గంట‌ల వ‌ర‌కు ఈ ఆంక్ష‌లు అమ‌లులో ఉంటాయ‌ని చెప్పారు. నాగోల్‌ నుంచి హబ్సిగూడ, బోడుప్పల్‌ నుంచి అంబర్‌పేట్‌ వెళ్లే మార్గాల్లో వాహనాల రద్దీ ఎక్కువగా ఉండ‌నుంది. ఈ నేప‌థ్యంలో వాహ‌న‌దారులు ప్రత్యామ్నాయ మార్గాల్లో వెళ్లాలని సూచించారు. పాస్‌లు ఉన్నవారి వాహనాలు మాత్రమే స్టేడియంలోపల పార్కింగ్ చేయ‌డానికి అనుమ‌తిస్తారు.

మ్యాచ్ సంద‌ర్భంగా ఆర్టీసీ ప్ర‌త్యేక స‌ర్వీసులు న‌డుప‌నుంది. అదేవిధంగా మెట్రో రైళ్లు రాత్రి 12 గంట‌ల వ‌ర‌కు అందుబాటులో ఉండ‌నున్నాయి.