Traffic Restrictions | సైబ‌రాబాద్ ప‌రిధిలో ట్రాఫిక్ ఆంక్ష‌లు.. 3 నెల‌ల పాటు ఆ ర‌హ‌దారి మూసివేత‌

Traffic Restrictions | త్రినేత్ర‌.న్యూస్ : సైబ‌రాబాద్ పోలీసు క‌మిష‌న‌రేట్ ప‌రిధిలో ట్రిపుల్ ఐటీ జంక్ష‌న్ వ‌ద్ద బ‌హుళ అంత‌స్తుల ఫ్లై ఓవ‌ర్‌, అండ‌ర్‌పాస్ నిర్మాణ ప‌నులు కొన‌సాగుతున్నాయి. ఈ నేప‌థ్యంలో ట్రాఫిక్ పోలీసులు ఆంక్ష‌లు విధించారు. ఈ ట్రాఫిక్ ఆంక్ష‌లు జులై 1 నుంచి 3 నెల‌ల పాటు అమ‌ల్లో ఉంటాయన్నారు. ఈ మూడు నెల‌ల పాటు డీఎల్ఎఫ్ గేట్ నంబ‌ర్ 1 నుంచి గచ్చిబౌలి ట్రాఫిక్ పోలీసు స్టేష‌న్ వ‌ర‌కు ర‌హ‌దారిని మూసివేయ‌నున్నారు. ఈ క్ర‌మంలో వాహ‌న‌దారులు ప్ర‌త్యామ్నాయ మార్గాల‌ను చూసుకోవాల‌ని పోలీసులు సూచించారు. నిర్మాణ ప‌నులు సుమారు సంవ‌త్స‌ర కాలం పాటు కొన‌సాగే అవ‌కాశం ఉన్నందున వాహ‌న‌దారులు, ప్ర‌యాణికులు అప్ర‌మ‌త్తంగా ఉండాల‌న్నారు.

మంగ‌ళ‌వారం ట్రాఫిక్ ఆంక్ష‌లు

అయితే మంగ‌ళ‌వారం శిల్పా క‌ళావేదిక‌గా రైతు భ‌రోసా నిధులు విడుద‌ల చేసేందుకు ప్ర‌భుత్వం సిద్ధ‌మైంది. ఈ క్ర‌మంలో మాదాపూర్‌లో పోలీసులు ట్రాఫిక్ ఆంక్ష‌లు విధించారు. మాదాపూర్‌, కేబుల్‌ బ్రిడ్జ్‌, ఐకియా జంక్షన్‌, ట్రైడెంట్‌ హోటల్‌ పరిసరాలు, శిల్పకళా వేదిక, శిల్పారామం, మెటల్‌ చార్మినార్‌ జంక్షన్‌ తదితర ప్రాంతాల్లో ట్రాఫిక్‌ ఆంక్షలు విధిస్తున్నట్లు పోలీసు అధికారులు తెలిపారు.