Traffic Restrictions | సికింద్రాబాద్ మ‌హంకాళి బోనాలు.. హైద‌రాబాద్‌లో మూడు రోజులు ట్రాఫిక్ ఆంక్ష‌లు

Traffic Restrictions | త్రినేత్ర‌.న్యూస్ : సికింద్రాబాద్ ఉజ్జ‌యిని మ‌హంకాళి బోనాల( Ujjaini Mahankali Bonalu ) జాత‌ర పండుగ నేప‌థ్యంలో న‌గ‌రంలో మూడు రోజుల పాటు ట్రాఫిక్ ఆంక్ష‌లు( Traffic Restrictions ) విధించిన‌ట్లు హైద‌రాబాద్ ట్రాఫిక్ పోలీసులు వెల్ల‌డించారు. ఉజ్జ‌యిని మ‌హంకాళి బోనాల జాత‌ర సంద‌ర్భంగా.. ఆగ‌స్టు 2వ తేదీ నుంచి 4వ తేదీ వ‌ర‌కు ట్రాఫిక్ ఆంక్ష‌లు అమ‌ల్లో ఉంటాయ‌న్నారు. మ‌హంకాళి అమ్మ‌వారి ఆల‌యానికి 2 కిలోమీట‌ర్ల రేడియ‌స్‌లో ట్రాఫిక్ మ‌ళ్లింపులు ఉంటాయ‌ని తెలిపారు.

ట్రాఫిక్ మ‌ళ్లింపులు ఈ ప్రాంతాల్లోనే..

కార్బ‌లా మైదాన్, రాణిగంజ్, ప్యార‌డైస్, సీటీవో, ప్లాజా, ఎస్బీఐ ఎక్స్ రోడ్, వైఎంసీఏ ఎక్స్ రోడ్స్, సెయింట్ జాన్స్ రోట‌రీ, సంగీత్ ఎక్స్ రోడ్, ప్యాట్నీ ఎక్స్ రోడ్, పార్క్ లేన్, బాటా, గాస్‌మండి ఎక్స్ రోడ్స్, బైబిల్ హౌజ్, మినిస్ట‌ర్స్ రోడ్, ర‌సూల్‌పురా, ఓల్డ్ పీఎస్ రామ్‌గోపాల్‌పేట ఏరియాల్లో ట్రాఫిక్ మ‌ళ్లించ‌నున్నారు.

ప‌లు ర‌హ‌దార్లు మూసివేత‌..

ఉజ్జ‌యిని మ‌హంకాళి అమ్మ‌వారికి ఆల‌యానికి వ‌చ్చే ర‌హ‌దారుల‌న్నింటినీ మూసివేయ‌నున్నారు. కేవ‌లం భ‌క్తుల‌కు మాత్ర‌మే ఆ ర‌హ‌దారుల్లో అనుమ‌తివ్వ‌నున్నారు. కాబ‌ట్టి వాహ‌న‌దారులు ప్ర‌త్యామ్నాయ మార్గాల‌ను చూసుకోవాల‌ని సూచించారు.

పార్కింగ్ ప్రాంతాలు ఇవే..

హ‌రిహ‌ర క‌ళాభ‌వ‌న్
ఓల్డ్ జైల్ ఖానా ఓపెన్ ప్లేస్
మ‌హాత్మా గాంధీ స్టాచ్యూ, ఎంజీ రోడ్
స్వ‌ప్న‌లోక్ కాంప్లెక్స్
తాజ్ త్రీ స్టార్ లేన్
వెస్లీ కాలేజ్ పార్కింగ్
మ‌హ‌బూబ్ కాలేజ్
సీఎంఆర్ షాపింగ్ మాల్
న‌ల్ల‌గుట్ట జీహెచ్ఎంసీ గ్రౌండ్