Rakul Preet Singh | ఇక్క‌డ స‌మంత … అక్క‌డ ర‌కుల్ – బాలీవుడ్‌లోకి మా ఇంటి బంగారం

Rakul Preet Singh |  ర‌కుల్ ప్రీత్ సింగ్ కొత్త అడుగు వేయ‌బోతుంది. ఇన్నాళ్లు సిల్వ‌ర్ స్క్రీన్‌పై క‌నిపించిన ఈ బ్యూటీ ఇక‌పై తెర వెనుక న‌యా రోల్‌లో క‌నిపించ‌బోతుంది. సినిమాల‌ ప‌రంగా ప్ర‌స్తుతం బ్యాడ్‌ఫేజ్‌ను ఎదుర్కొంటోంది ఈ ఢిల్లీ బ్యూటీ. ప‌రాజ‌యాల కార‌ణంగా టాలీవుడ్‌కు దూర‌మై చాలా ఏళ్ల‌వుతోంది. బాలీవుడ్‌లో సెకండ్ హీరోయిన్ పాత్ర‌ల‌కు ప‌రిమిత‌మైంది. అవి కూడా ర‌కుల్‌కు అంత‌గా అచ్చిరావ‌డం లేదు.

నిర్మాత‌గా...

ఓ హిట్టు కోసం ఎదురుచూస్తోన్న రకుల్ ఓ షాకింగ్ డెసిష‌న్ తీసుకున్న‌ట్లు స‌మాచారం. నిర్మాత‌గా మార‌బోతున్న‌ట్లు తెలిసింది. తొలి ప్ర‌య‌త్నంగా ఓ లేడీ ఓరియెంటెడ్ మూవీని నిర్మించ‌బోతున్న‌ట్లు బాలీవుడ్ వ‌ర్గాల్లో ప్ర‌చారం జ‌రుగుతోంది. క్రైమ్ కామెడీగా తెర‌కెక్కుతోన్న ఈ సినిమాలో ర‌కుల్ ప్రీత్ సింగ్ హీరోయిన్‌గా న‌టించ‌బోతున్న‌ద‌ని అంటున్నారు.

మా ఇంటి బంగారం...

స‌మంత హీరోయిన్‌గా ఇటీవ‌ల రిలీజై వంద కోట్ల‌కుపైగా వ‌సూళ్ల‌ను రాబ‌ట్టిన మా ఇంటి బంగారం రీమేక్‌గా ఈ సినిమా తెర‌కెక్క‌బోతున్న‌ట్లు తెలిసింది. ఈ రీమేక్‌తోనే తొలిసారి ర‌కుల్ నిర్మాణ బాధ్య‌త‌లు చేప‌ట్ట‌బోతున్న‌ద‌ని అంటున్నారు. భ‌ర్త జాకీ భ‌గ్నానీతో క‌లిసి ఈ రీమేక్‌ను ప్రొడ్యూస్ చేయ‌బోతున్న‌ట్లు చెబుతున్నారు. హిందీ వెర్ష‌న్‌కు త‌గ్గ‌ట్లుగా క‌థ‌లో చాలానే మార్పులు, చేర్పులు చేయ‌బోతున్న‌ట్లు స‌మాచారం. త్వ‌ర‌లోనే ఈ రీమేక్‌పై అఫీషియ‌ల్ అనౌన్స్‌మెంట్ రానున్న‌ట్లు స‌మాచారం. క‌మ్ బ్యాక్ కోస‌మే ర‌కుల్ ఈ రిస్క్ తీసుకుంటున్న‌ట్లు చెబుతోన్నారు. ఈ ప్ర‌య‌త్న‌మైన ఢిల్లీ బ్యూటీని గ‌ట్టెక్కిస్తుందా? లేదా? అన్న‌ది ఆస‌క్తిక‌రంగా మారింది. తెలుగులో మా ఇంటి బంగారం సినిమాలో హీరోయిన్‌గా న‌టిస్తూనే ఈ సినిమాను స‌మంత స్వ‌యంగా నిర్మించింది. స‌మంత రూట్‌నే ర‌కుల్ ఫాలో అవుతున్న‌ట్లు స‌మాచారం.

రామాయ‌ణ‌లో...

బాలీవుడ్ మోస్ట్ అవైటింగ్ మూవీ రామాయ‌ణలో ర‌కుల్ ప్రీత్ సింగ్ శూర్ప‌ణ‌ఖ పాత్ర‌లో క‌నిపించ‌బోతుంది. గురువారం రిలీజ్ చేసిన ట్రైల‌ర్‌లో ర‌కుల్ పాత్ర హైలైట్‌గా నిలిచింది. ర‌ణ‌భీర్ క‌పూర్‌, సాయిప‌ల్ల‌వి...సీతారాముడి పాత్ర‌ల్లో క‌నిపిస్తోన్న ఈ మూవీ ఈ ఏడాది దీపావ‌ళికి ప్రేక్ష‌కుల ముందుకు రాబోతుంది.