Traffic Restrictions | బీ అల‌ర్ట్.. హైటెక్ సిటీ వ‌ద్ద రాత్రి 9 వ‌ర‌కు ట్రాఫిక్ ఆంక్ష‌లు..!

Traffic Restrictions | త్రినేత్ర‌.న్యూస్ : సైబ‌రాబాద్ పోలీసు క‌మిష‌న‌రేట్ ప‌రిధిలోని శిల్పా క‌ళావేదిక( Shilpa Kalavedika )లో మంగ‌ళ‌వారం సాయంత్రం రైతు భ‌రోసా( Rythu Bharosa )నిధుల పంపిణీ కార్య‌క్ర‌మం జ‌ర‌గ‌నుంది. ఈ కార్య‌క్ర‌మానికి ముఖ్య‌మంత్రి రేవంత్ రెడ్డి( CM Revanth Reddy ) ముఖ్య అతిథిగా హాజ‌రై రైతు భ‌రోసా నిధుల‌ను విడుద‌ల చేయ‌నున్నారు.

ఈ నేప‌థ్యంలో శిల్పా క‌ళావేదిక‌తో పాటు హైటెక్ సిటీ పరిస‌ర ప్రాంతాల్లో పోలీసులు ట్రాఫిక్ ఆంక్ష‌లు విధించారు. ఈ ఆంక్ష‌లు మ‌ధ్యాహ్నం 3 నుంచి రాత్రి 9 గంట‌ల వ‌ర‌కు అమ‌ల్లో ఉంటాయ‌న్నారు. కేబుల్ బ్రిడ్జి, ఐకియా జంక్ష‌న్, ట్రైడెంట్ హోట‌ల్, శిల్పాక‌ళా వేదిక‌, శిల్పారామం, మెట‌ల్ చార్మినార్ జంక్ష‌న్ ప‌రిధిలో ట్రాఫిక్ ఆంక్ష‌లు అమ‌ల్లో ఉంటాయ‌ని పోలీసులు చెప్పారు.

ఈ క్ర‌మంలో వాహ‌న‌దారులు అప్ర‌మ‌త్తంగా ఉండాల‌ని, ప్ర‌త్యామ్నాయ మార్గాల‌ను ఎంచుకోవాల‌ని పోలీసులు సూచించారు. ట్రాఫిక్ పోలీసుల‌కు కూడా స‌హ‌క‌రించాల‌ని చెప్పారు. అవ‌స‌రాన్ని బ‌ట్టి ట్రాఫిక్ మ‌ళ్లింపులు ఉంటాయ‌ని చెప్పారు.