Hyderabad Zoo | హైద‌రాబాద్ జూపార్కులో అరుదైన ‘కోడి’..! జీవిత‌కాలం 20 ఏళ్లు..!!

Hyderabad Zoo | త్రినేత్ర‌.న్యూస్ : హైద‌రాబాద్ నెహ్రూ జూ పార్కు( Hyderabad Zoo ) అంద‌రికీ సుప‌రిచిత‌మే. అయితే జూపార్కు( Zoo Park )కు వెళ్లామంటే అక్కడున్న సింహాలు, పులులతో పాటు జింక‌లు, ఏనుగులు, ఖ‌డ్గ‌మృగాల‌తో పాటు స‌రీసృపాల‌ను చూసేందుకు జంతు ప్రేమికులు, పిల్ల‌లు అమితాస‌క్తి చూపిస్తుంటారు. సింహాల గ‌ర్జ‌న‌కు, పులుల గాండ్రిపుల‌ను చూసి ఎంజాయ్ చేస్తుంటారు. ఈ క్రూర మృగాలే కాదు.. మ‌న‌సుకు హాయినిచ్చే ప‌క్షులు కూడా జూపార్కులో ద‌ర్శ‌న‌మిస్తాయి.

నెమ‌ళ్లు పురివిప్ప నాట్య‌మాడుతుంటే మ‌న‌సుకు ఎంతో హాయినిస్తుంది. తెల్ల నెమ‌ళ్లు అయితే భ‌లే చూడ‌ముచ్చ‌ట‌గా ఉంటాయి. ఈ నెమ‌ళ్ల ప‌క్క‌నే అరుదైన కోళ్లు కూడా ద‌ర్శ‌న‌మిస్తాయి. మ‌నం ఊర్ల‌ల్లో కోళ్ల‌తో పోల్చుకుంటే కొంచెం డిఫ‌రెంట్ కోళ్లు ఉన్నాయి. అలాంటి అరుదైన కోడి ఒక‌టి.. ఎర్ర రంగు అడ‌వి కోడి( Red Jungle Fowl ). ఈ కోడి ఎత్తులో కొంచెం పొట్టిగా ఉండి, పొడ‌వులో మాత్రం కొంచెం పొడ‌వుగా ఉంది. జంతు ప్రేమికుల‌తో పాటు జూ సంద‌ర్శ‌కుల‌ను ఈ కోళ్లు ఎంత‌గానో ఆక‌ర్షిస్తున్నాయి.

ఎర్ర రంగు అడ‌వి కోడి ప్ర‌త్యేక‌త‌లు ఇవే..

• ఎర్ర రంగు అడ‌వి కోడి నివ‌సించే ప్ర‌దేశాలు - భార‌త ఉప‌ఖండం
• ఆహారం - ధాన్యాలు, ఆకులు, అక‌శేరుకాలు
• జీవిత‌కాలం - 18 నుంచి 20 ఏళ్లు
• శాస్త్రీయ‌నామం - గాల‌స్ గాల‌స్