Power Cut | నేడు హైద‌రాబాద్‌లో క‌రెంటు కోత‌లు.. ఏయే ప్రాంతాల్లో అంటే?

Power Cut | త్రినేత్ర‌.న్యూస్‌: హైద‌రాబాద్‌లోని (Hyderabad) ప‌లు ప్రాంతాల్లో విద్యుత్ స‌ర‌ఫ‌రా (Power Cut) నిలిచిపోనుంది. నిర్వ‌హ‌ణలో భాగంగా క‌రెంటు వైర్ల‌కు అడ్డుగా ఉన్న‌ చెట్ల కొమ్మ‌ల‌ను న‌ర‌కడంతోపాటు ప‌లు కార‌ణాల‌తో ఆజామాబాద్ డివిజ‌న్‌, హైద‌రాబాద్ సిటీ-2, బంజారాహిల్స్ ప‌రిధిలో విద్యుత్ స‌ర‌ఫ‌రాలో అంత‌రాయం ఉంటుంద‌ని అధికారులు తెలిపారు.

ఆజామాబాద్‌ డివిజన్ (Azamabad Division), హైదరాబాద్‌ సిటీ-2 పరిధిలోని సీఈ కాలనీ, ఏటీఐ క్యాంపస్‌ రోడ్‌, కూచిపూడి, ఆర్‌కే మఠ్‌ 11కేవీ విద్యుత్‌ ఫీడర్ల పరిధిలో ఉదయం 10 గంటల నుంచి మధ్యాహ్నం ఒంటి గంట వరకు క‌రెంటు కోత విధించ‌నున్నారు.

బతుకమ్మకుంట, బాగ్‌అంబర్‌పేట, తిలక్ నగర్ రోడ్‌, వివేక్‌నగర్‌, గాంధీనగర్‌ పరిధిలో మధ్యాహ్నం 2 నుంచి సాయంత్రం 5 గంటల వరకు విద్యుత్‌ సరఫరా ఉండదని త్వరగా పనులు పూర్త‌యితే నిర్ణీత సమయం కంటే ముందే విద్యుత్‌ సరఫరా పునరుద్ధరించబడుతుందని, వినియోగదారులు సహకరించాలని కోరారు.

అదేవిధంగా బంజారాహిల్స్ (Banjara Hills) ఏడీఈ పరిధిలోని పలు ప్రాంతాల్లో విద్యుత్‌ సరఫరాలో అంతరాయం ఉంటుందని అధికారులు వెల్ల‌డించారు. 11కేవీ అమర్‌ సొసైటీ, టీవీ-5 ఫీడర్ల పరిధిలోని పలు ప్రాంతాల్లో ఉదయం 10 నుంచి మధ్యాహ్నం ఒంటి గంట వరకు, 11కేవీ దివ్య డైమండ్‌, జూబ్లీహిల్స్‌ రోడ్డు నంబర్‌.22, ఓబుల్‌రెడ్డి స్కూల్‌ ఫీడర్ల పరిధిలోని ప్రాంతాల్లో మధ్యాహ్నం 2 నుంచి సాయంత్రం 5 గంటల వరకు క‌రెంటు స‌ర‌ఫ‌రాలో అంతరాయం ఉంటుందని చెప్పారు.