Danam Nagender | ‘దానం’ కూతురుకు నాన్ బెయిల‌బుల్ అరెస్ట్ వారెంట్‌..!

Danam Nagender | త్రినేత్ర‌.న్యూస్ : ఖైర‌తాబాద్ ఎమ్మెల్యే దానం నాగేంద‌ర్ కూతురు దానం మ‌నీషా, ఆమె భ‌ర్త అభిన‌వ్ కిష‌న్ పువ్వాల‌కు నాన్ బెయిల‌బుల్ అరెస్ట్ వారెంట్ జారీ అయింది. నాంప‌ల్లిలోని తొమ్మిద‌వ ఫ‌స్ట్ క్లాస్ జ్యుడీషియ‌ల్ మెజిస్ట్రేట్ మార్చి 2న వారెంట్ జారీ చేస్తూ, అదే నెల 16వ తేదీలోగా త‌మ ముందు హాజ‌రుప‌రచాల‌ని పోలీసుల‌ను ఆదేశించారు. ఎన్ఐ యాక్ట్( Negotiable Instruments Act ) లోని 138 సెక్ష‌న్ కింద న‌మోదైన కేసులో ఏ3, ఏ4గా ఉన్న ఇరువురికి ఈ వారెంట్ జారీ అయ్యాయి.

కాగా, ఈ నెల 8న వారెంట్‌పై వారిరువురూ న్యాయ‌స్థానంలో త‌మ న్యాయ‌వాది ద్వారా పిటిష‌న్ దాఖ‌లు చేయ‌గా, న్యాయ‌మూర్తి దానిని అనుమ‌తించ‌డంతో వారెంట్ ర‌ద్దైంది. నాన్ బెయిలబుల్ అరెస్టు వారెంటు ఉన్న‌ప్ప‌టికీ మూడు నెల‌ల‌కు పైగా పోలీసులు వారిని అరెస్టు చేయ‌క‌పోవ‌డం గ‌మ‌నార్హం. ఇదే కేసులో గ‌తంలోనూ అన‌గా గ‌తేడాది డిసెంబ‌ర్ 30న సైతం వారికి నాన్ బెయిల‌బుల్ అరెస్టు వారెంట్‌లు జారీ అయ్యాయి. ఈ విష‌యం మీడియాలో ఎక్క‌డా బ‌య‌ట‌కు పొక్క‌క‌పోవ‌డం విశేషం.