NIMS | నిమ్స్ రెసిడెంట్ డాక్ట‌ర్ల‌ ధర్నా విర‌మ‌ణ‌

NIMS | త్రినేత్ర‌.న్యూస్ : నిమ్స్ రెసిడెంట్ డాక్ట‌ర్స్ అసోసియేష‌న్(RDA), ఆస్ప‌త్రి యాజ‌మాన్యం మ‌ధ్య చ‌ర్చ‌లు ఫ‌లించాయి. త‌మ భ‌ద్ర‌త‌కు హామీ ఇచ్చిన నేప‌థ్యంలో ధ‌ర్నాను విర‌మిస్తున్న‌ట్లు రెసిడెంట్ డాక్ట‌ర్స్ అసోసియేష‌న్ శ‌నివారం ఉద‌యం ప్ర‌క‌టించింది. ఈ నేప‌థ్యంలో ఔట్ పేషెంట్, ఎలెక్టివ్ మెడిక‌ల్ స‌ర్వీసెస్ సేవ‌లు య‌ధావిధిగా పునఃప్రారంభ‌మ‌య్యాయి.

ఇటీవ‌ల ఓ రోగి న‌రాల స‌మ‌స్య‌తో బాధ‌ప‌డుతూ నిమ్స్ ఆస్ప‌త్రికి వ‌చ్చాడు. అయితే రోగిని ప‌రీక్షిస్తున్న స‌మ‌యంలో అత‌ని బంధువు ఒక‌రు.. జూనియ‌ర్ రెసిడెంట్ డాక్ట‌ర్ ప‌ట్ల అస‌భ్యంగా ప్ర‌వ‌ర్తించాడు. అస‌భ్య ప‌ద‌జాలంతో దూషిస్తూ.. చంపేస్తానంటూ బెదిరింపుల‌కు దిగాడు. ఈ క్ర‌మంలో త‌మ‌కు భ‌ద్ర‌త క‌ల్పించాలంటూ రెసిడెంట్ డాక్ట‌ర్లు ధ‌ర్నాకు దిగారు. దీంతో శుక్ర‌వారం సేవ‌లు నిలిచిపోయాయి.

ఈ క్ర‌మంలో ఆస్ప‌త్రి యాజ‌మాన్యం రెసిడెంట్ డాక్ట‌ర్ల‌తో చ‌ర్చ‌లు జ‌రిపింది. అత్యుత్త‌మైన భ‌ద్ర‌త క‌ల్పిస్తామ‌ని యాజ‌మాన్యం హామీ ఇవ్వ‌డంతో డాక్ట‌ర్లు ధ‌ర్నా విర‌మించారు. మొత్తానికి భ‌ద్ర‌త‌కు సంబంధించి ఒక క‌మిటీని కూడా ఏర్పాటు చేశారు. భ‌ద్ర‌తా చ‌ర్య‌లు ప‌టిష్టంగా తీసుకోవాల‌ని వైద్యులు సూచించారు.