Weather | హైద‌రాబాద్‌లో విచిత్ర వాతావ‌ర‌ణం..!

Weather | త్రినేత్ర‌.న్యూస్ : రాష్ట్ర రాజ‌ధాని హైద‌రాబాద్ న‌గ‌రంలో విచిత్ర వాతావ‌ర‌ణ ప‌రిస్థితులు కొనసాగుతున్నాయి. పొద్దునంతా పొగ మంచు, మ‌ధ్యాహ్నం స‌మ‌యానికి కాస్త ఎండ‌, రాత్రి పూట పూర్తిగా వాతావ‌ర‌ణం చ‌ల్ల‌బ‌డి పోతోంది. అంతేకాదు ఎండ‌లోనూ చ‌ల్ల‌ని గాలులు వీస్తుండ‌డంతో హైద‌రాబాద్ వాసులు కాస్త ఆందోళ‌న‌కు గుర‌వుతున్నారు.

హైద‌రాబాద్‌తో పాటు స‌మీప జిల్లాల్లో ప‌గ‌టి, రాత్రి పూట ఉష్ణోగ్ర‌త‌ల‌కు వ్య‌త్యాసం ఉంది. 15 డిగ్రీల సెల్సియ‌స్ తేడాతో ఉష్ణోగ్ర‌త‌లు న‌మోదు అవుతున్నాయి. ఈ వాతావ‌ర‌ణ ప‌రిస్థితిలు జ‌న‌వ‌రి 28 వ‌ర‌కు కొన‌సాగుతాయని హైద‌రాబాద్ వాతావ‌ర‌ణ శాఖ తెలిపింది. ప‌గ‌టి పూట 29 నుంచి 30 డిగ్రీల సెల్సియ‌స్ ఉష్ణోగ్ర‌త‌లు, రాత్రి వేళ 16 నుంచి 17 డిగ్రీల సెల్సియ‌స్ ఉష్ణోగ్ర‌త‌లు న‌మోదు అయ్యే అవ‌కాశం ఉంది. ప‌గ‌టి, రాత్రి ఉష్ణోగ్ర‌త‌ల మ‌ధ్య 14 నుంచి 15 డిగ్రీల వ్య‌త్యాసం ఉంది.

ఫిబ్ర‌వ‌రి రెండో వారం వ‌ర‌కు తెల్ల‌వారుజామున ద‌ట్ట‌మైన పొగ‌మంచు కురిసే అవ‌కాశం ఉంద‌న్నారు. పొగ‌మంచు కార‌ణంగా వాహ‌న‌దారులు జాగ్ర‌త్త‌గా వెళ్లాల‌ని సూచించారు. ఇక సాయంత్రం పూట చ‌ల్ల‌ని గాలులు వీస్తుండ‌డంతో న‌గ‌ర ప్ర‌జ‌లు వాతావ‌ర‌ణాన్ని ఎంజాయ్ చేస్తూనే.. కాస్త ఇబ్బందిగా ఫీల‌వుతున్నారు.