Mimicry Artist Satyanarayana | ప్రముఖ మిమిక్రీ కళాకారుడు సత్యనారాయణ మృతి

Mimicry Artist Satyanarayana | త్రినేత్ర న్యూస్ : ప్ర‌ముఖ మిమిక్రీ క‌ళాకారుడు స‌త్యనారాయ‌ణ( Mimicry Artist Satyanarayana ) (40) రోడ్డు ప్ర‌మాదంలో ప్రాణాలు కోల్పోయారు. బ‌తుక‌మ్మ( Bathukamma ) వేడుక‌ల్లో పాల్గొని తిరిగి ఇంటికి వెళ్తుండ‌గా.. ఔట‌ర్ రింగ్ రోడ్డు( ORR )పై ఆయ‌న కారు ప్ర‌మాదానికి గురైంది. హ‌కీంపేట్ నుంచి హ‌య‌త్‌న‌గ‌ర్ వైపు వెళ్తుండ‌గా.. వెనుక నుంచి గుర్తు తెలియ‌ని వాహ‌నం ఢీకొట్ట‌డంతో స‌త్య‌నారాయ‌ణ కారు అదుపుత‌ప్పి డివైడ‌ర్‌ను ఢీకొట్టింది. తీవ్ర గాయాల‌తో స‌త్య‌నారాయ‌ణ అక్క‌డిక‌క్క‌డే ప్రాణాలు విడిచారు.

గత 15 ఏళ్లుగా మిమిక్రీ, వెంట్రిలాక్విజం, మ్యాజిక్ కళాకారుడిగా గుర్తింపు తెచ్చుకున్నారు. రెండు తెలుగు రాష్ట్రాల్లో వేలాది ప్రదర్శనలు ఇచ్చారు. ఎన్నో అవార్డులు, రివార్డులు పొందారు. సత్యనారాయణ మృతితో కళారంగంలో విషాదం నెల‌కొంది. స‌త్య‌నారాయ‌ణ మృతిపై తెలంగాణ ఆర్టిస్ట్ అసోసియేషన్ అధ్య‌క్షుడు సామ‌ల వేణుతో పాటు క‌ళాకారులు తీవ్ర దిగ్భ్రాంతి వ్య‌క్తం చేశారు. ఆయ‌న కుటుంబ స‌భ్యుల‌కు ప్ర‌గాఢ సానుభూతి ప్ర‌క‌టించారు.