TG EAPCET 2026 Topper | 38 ఏళ్ల తర్వాత అమ్మాయికి ఫస్ట్ ర్యాంక్.. TG EAPCET టాపర్ ‘రుషి’ని సత్కరించిన మెగాస్టార్ చిరంజీవి

TG EAPCET 2026 Topper | త్రినేత్ర.న్యూస్ : టీజీ ఈఏపీసెట్ 2026 (TG EAPCET 2026) ఫలితాల్లో స్టేట్ ఫస్ట్ ర్యాంక్ సాధించి చరిత్ర సృష్టించిన ఎం.రుషిని టాలీవుడ్ మెగాస్టార్ చిరంజీవి (Chiranjeevi) ఘనంగా సత్కరించారు. దాదాపు 38 ఏళ్ల తర్వాత ఈ ప్రవేశ పరీక్షలో ఒక అమ్మాయి మొదటి ర్యాంక్ సాధించడం ఇదే తొలిసారి కావడంతో చిరు ఆమెను పిలిపించుకుని మరీ ప్రత్యేకంగా అభినందించారు.

ల్యాప్‌టాప్ బహుమతి.. లక్ష్యానికి భరోసా

రుషి కనబరిచిన అద్భుతమైన ప్రతిభను మెచ్చుకున్న చిరంజీవి.. ఆమె తదుపరి విద్యాభ్యాసానికి ఉపయోగపడేలా ఒక ల్యాప్‌టాప్‌ను (Laptop) గిఫ్ట్‌గా అందజేశారు. చదువులో రాణించి ఉన్నత శిఖరాలను చేరుకోవాలని ఆకాంక్షించారు. భవిష్యత్తులో ఇంజినీరింగ్ పూర్తి చేసి, ఆ తర్వాత ఐఏఎస్ (IAS) ఆఫీసర్ కావాలన్న ఆమె కలకు, లక్ష్యానికి తన వంతుగా పూర్తి సపోర్ట్ ఉంటుందని మెగాస్టార్ భరోసా ఇచ్చారు.

టాప్ ర్యాంక్ వస్తే చిరంజీవితో మాట్లాడిస్తా

రుషికి టాప్ ర్యాంక్ వస్తే చిరంజీవితో మాట్లాడిస్తా అని గతంలో రుషి తండ్రి తనకు మాటిచ్చాడు. తనకు ఫస్ట్ ర్యాంక్ రావడంతో ఇచ్చిన మాట ప్రకారం కూతురు సాధించిన అద్భుత విజయంతో మెగాస్టార్‌ను తండ్రి కలిపించారు.

1986 తర్వాత తొలిసారి

1986 తర్వాత మళ్లీ ఇన్నాళ్లకు ఒక అమ్మాయి (M Rushi) టాపర్‌గా నిలవడం పట్ల విద్యావేత్తలు, సాధారణ ప్రజల నుంచి సర్వత్రా ప్రశంసలు వ్యక్తమవుతున్నాయి. ఎంతో కష్టపడి చదివి అత్యుత్తమ ప్రతిభ కనబరిచిన రుషికి సాక్షాత్తూ మెగాస్టార్ స్వయంగా అండగా నిలవడం, ఎంకరేజ్ చేయడం సోషల్ మీడియాలో నెటిజన్లను సైతం విపరీతంగా ఆకట్టుకుంటోంది. చదువుకునే విద్యార్థులను ప్రోత్సహించడంలో చిరు ఎప్పుడూ ముందుంటారని ఫ్యాన్స్ కామెంట్స్ చేస్తున్నారు.