Shamshabad Airport | శంషాబాద్‌లో ల్యాండ్‌ అవుతున్న విమానానికి లేజర్ లైట్స్.. పైల‌ట్ అప్ర‌మ‌త్త‌తో త‌ప్పిన ప్ర‌మాదం

Shamshabad Airport | త్రినేత్ర‌.న్యూస్‌: శంషాబాద్ విమానాశ్రయంలో (Shamshabad Airport) ఆదివారం అర్ధరాత్రి లేజర్ లైట్లు (Laser Light) కలకలం సృష్టించాయి. జర్మనీలోని ఫ్రాంక్‌ఫర్ట్ (Frankfurt) నుంచి హైద‌రాబాద్ చేరుకున్న లుఫ్తాన్సా విమానం (Lufthansa Flight) శంషాబాద్ ఎయిర్‌పోర్టులో ల్యాండింగ్‌కు సిద్ధమైంది. అదే సమయంలో లేజర్ లైట్లు (Laser Scare) విమానానికి తాకాయి. అయితే పైలట్ అప్రమత్త‌మ‌వ‌డంతో ఎలాంటి ప్రమాదం జరగకుండా విమానం సురక్షితంగా ల్యాండ్ అయింది. దీనిని తీవ్ర‌వంగా ప‌రిగ‌ణించిన పైలట్ ఎయిర్ ట్రాఫిక్ కంట్రోల్ (ఏటీసీ) అధికారులకు సమాచారం ఇచ్చారు. ఈ ఘ‌ట‌న‌పై అధికారులు విచార‌ణ చేప‌ట్టారు. లేజర్ లైట్లు ఏ ప్రాంతం నుంచి ప్రసరించాయనే అంశంపై సీసీటీవీ ఫుటేజీతోపాటు ఇతర సాంకేతిక ఆధారాలను పరిశీలిస్తున్నారు.