Bomb Threat | విమానానికి బాంబు బెదిరింపు.. శంషాబాద్ ఎయిర్‌పోర్టులో క‌ల‌క‌లం

Bomb Threat | త్రినేత్ర న్యూస్‌: హైదరాబాద్‌లోని శంషాబాద్ అంతర్జాతీయ విమానాశ్రయంలో (Shamshabad Airport) మరోసారి బాంబు బెదిరింపు క‌ల‌క‌లం సృష్టించింది. ఎయిర్‌పోర్టులో ప్రయాణానికి సిద్ధంగా ఉన్న ఒక విమానానికి బాంబు బెదిరింపు (Bomb Threat) వ‌చ్చింది. దీంతో అప్ర‌మ‌త్త‌మైన ఎయిర్‌పోర్టు అధికారులు, సీఐఎస్‌ఎఫ్ బలగాలు.. విమానంలో నుంచి ప్ర‌యాణికుల‌ను దించివేశారు. ఆ విమానాన్ని ఐసోలేషన్ బే (Isolation Bay) ప్రాంతానికి తరలించారు. బాంబ్ స్క్వాడ్, డాగ్ స్క్వాడ్ సిబ్బంది క్షుణ్ణంగా తనిఖీలు చేశారు. ప్రయాణికుల లగేజీని కూడా పరిశీలిస్తున్నారు.

కాగా, బెదిరింపు కాల్ ఎక్కడి నుంచి వచ్చింది, దీని వెనుక ఎవరున్నారనే అంశాలపై సైబర్ క్రైమ్‌తోపాటు స్థానిక పోలీసులు సంయుక్తంగా దర్యాప్తు చేపట్టారు. నిందితులను త్వరలోనే పట్టుకుని చట్టపరమైన చర్యలు తీసుకుంటామని అధికారులు స్పష్టం చేశారు.