HMWSSB | జ‌ల‌మండలిలో ఎలాంటి నియామ‌కాల్లేవు.. అది అస‌త్య ప్ర‌చార‌మే..

HMWSSB | త్రినేత్ర‌.న్యూస్ : జ‌ల‌మండ‌లిలో ఉద్యోగ నియామ‌కాలంటూ సోష‌ల్ మీడియాలో వైర‌ల‌వుతున్న వార్త‌ల‌పై జ‌ల‌మండ‌లి స్పందించింది. ప్ర‌స్తుతం జ‌లమండ‌లిలో ఎలాంటి ఉద్యోగ నియామ‌కాలు చేప‌ట్ట‌డం లేద‌ని స్ప‌ష్టం చేసింది. ఉద్యోగ నియామ‌కాలు చేప‌ట్టే అవ‌కాశం ఉంటే.. కేవ‌లం టీజీపీఎస్సీ లేదా అధికారిక సంస్థ‌ల ద్వారానే ప్ర‌క‌ట‌న‌లు వెలువ‌డుతాయ‌ని తేల్చిచెప్పింది. సోష‌ల్ మీడియా వేదిక‌గా “హైదరాబాద్ నీటి సరఫరా బోర్డు, తెలంగాణ రిక్రూట్మెంట్ 2026” పేరుతో వైర‌ల‌వుతున్న పోస్ట‌ర్ అస‌త్య‌మ‌ని జ‌ల‌మండ‌లి స్ప‌ష్టం చేసింది.

ఆ పోస్టర్‌లో జలమండలిలో భారీ స్థాయిలో ఉద్యోగ నియామకాలు చేపడుతున్నట్లు, వేతనాలు, అర్హతల వివరాలు పేర్కొంటూ తప్పుడు ప్రచారం జరుగుతోంది. ప్రస్తుతం పోస్టర్‌లో పేర్కొన్న విధంగా ఎలాంటి నియామక ప్రక్రియను జలమండలి చేపట్టలేదు. సోషల్ మీడియాలో ప్రచారం అవుతున్న సమాచారం పూర్తిగా అసత్యం.. ఫేక్ న్యూస్ అని స్ప‌ష్టం చేసింది.

జలమండలిలో ఉద్యోగ నియామకాలు చేపట్టాల్సి వచ్చిన సందర్భంలో, అవి ప్రభుత్వ నిబంధనల ప్రకారం తెలంగాణ పబ్లిక్ సర్వీస్ కమిషన్ (TGPSC) లేదా సంబంధిత అధికారిక సంస్థల ద్వారా మాత్రమే నిర్వహించబడతాయి. ఇందుకు సంబంధించిన అధికారిక ప్రకటనలు ప్రభుత్వ, జలమండలి అధికారిక వెబ్‌సైట్లు, విశ్వసనీయ మీడియా వేదికల ద్వారా విడుదల చేయబడతాయి. కావున ప్రజలు, ఉద్యోగార్థులు సోషల్ మీడియాలో వైరల్ అవుతున్న నిర్ధారణ లేని పోస్టర్లు, వార్తలు, తప్పుడు ప్రకటనలను నమ్మవద్దని జలమండలి విజ్ఞప్తి చేస్తోంది. అధికారిక సమాచారం కోసం మాత్రమే ప్రభుత్వ, జలమండలి అధికారిక ప్రకటనలను అనుసరించాలి అని జ‌ల‌మండ‌లి విజ్ఞ‌ప్తి చేసింది.