Gadwal Vijayalakshmi | జీహెచ్ఎంసీ మాజీ మేయ‌ర్ సోద‌రి అదృశ్యం..

Gadwal Vijayalakshmi | త్రినేత్ర‌.న్యూస్‌: జీహెచ్ఎంసీ (GHMC) మాజీ మేయ‌ర్, తెలంగాణ మహిళా కమిషన్‌ చైర్‌పర్సన్‌ గ‌ద్వాల విజ‌య‌ల‌క్ష్మి (Gadwal Vijayalakshmi) సోద‌రి అదృశ్య‌మ‌య్యారు (Missing). బంజారాహిల్స్‌ రోడ్డు నంబర్‌ 12లోని కమాన్‌లో నివసించే కె.నమ్రత (57) గ‌త ప‌ది రోజులుగా క‌నిపించ‌కుండా పోయారు. దీంతో గ‌ద్వాల విజ‌యల‌క్ష్మి పోలీసుల‌కు ఫిర్యాదు చేశారు. దీంతో మిస్సింగ్ కేసు న‌మోదుచేసిన పోలీసులు గాలింపు చేప‌ట్టారు.

మాజీ మేయర్‌ గద్వాల్‌ విజయలక్ష్మి సోదరి కె.నమ్రత (57) బంజారాహిల్స్‌ రోడ్డు నంబర్‌ 12లోని కమాన్‌లో నివ‌సిస్తున్నారు. ఈ నెల 4న ఉదయం 10 గంటల సమయంలో ఇంట్లో ఎవరికీ చెప్పకుండా బయటకు వెళ్లిపోయారు. సాయంత్రమైనా ఇంటికి రాకపోవ‌డంతో కుటుంబ సభ్యులు ఆమె కోసం గాలించారు. ఆచూకీ దొరక్కపోవడంతో మాజీ మేయర్‌ తన సోదరి కనిపించడం లేదంటూ పోలీసుల‌కు ఫిర్యాదు చేశారు. సతీశ్‌ (35), సత్యనారాయణ (45), కుమారి (45) అనే వ్య‌క్తుల‌పై అనుమానం ఉందంటూ ఫిర్యాదులో పేర్కొన్నారు.