త్రినేత్ర News Logo
DIGITAL-NEWS

Trade License | వ్యాపారులు 30వ తేదీలోపు తమ ట్రేడ్ లైసెన్స్‌లు రెన్యూవ‌ల్ చేసుకోవాలి

Trade License | జీహెచ్ఎంసీ (GHMC) ప‌రిధిలోని వ్యాపారులంద‌రూ 2027 సంవత్స‌రానికి గాను త‌మ ట్రేడ్ లైసెన్స్‌ (Trade License)ల‌ను ఈ నెల 30వ తేదీలోగా రెన్యూవ‌ల్ (Renewal) చేసుకోవాల‌ని అధికారులు సూచించారు.

S

Flash news | Published On Nov 20, 2026, 4.13 pm IST

Trade License | వ్యాపారులు 30వ తేదీలోపు తమ ట్రేడ్ లైసెన్స్‌లు రెన్యూవ‌ల్ చేసుకోవాలి
Advertisement

Trade License | త్రినేత్ర న్యూస్‌: జీహెచ్ఎంసీ (GHMC) ప‌రిధిలోని వ్యాపారులంద‌రూ 2027 సంవత్స‌రానికి గాను త‌మ ట్రేడ్ లైసెన్స్‌ (Trade License)ల‌ను ఈ నెల 30వ తేదీలోగా రెన్యూవ‌ల్ (Renewal) చేసుకోవాల‌ని అధికారులు సూచించారు. జీహెచ్ఎంసీ ప‌రిధిలో 2026 సంవ‌త్స‌రానికి పొందిన ట్రేడ్ లైసెన్స్‌లు ఈ ఏడాది చివ‌రి వ‌ర‌కు చెల్లుబాటులో ఉంటాయ‌ని జీహెచ్ఎంసీ క‌మిష‌న‌ర్ తెలిపారు. 'కోర్ అర్బన్ రీజియన్ (ఇంటిగ్రేటెడ్ గవర్నెన్స్) బిల్లు, 2026' (CURE బిల్లు)లోని సెక్షన్ 60(1) ప్రకారం, GHMC కమిషనర్ జారీ చేసిన చెల్లుబాటు అయ్యే ట్రేడ్ లైసెన్స్ లేకుండా ఎవరూ కార్పొరేషన్ పరిధిలో వ్యాపారాన్ని లేదా వాణిజ్య సంస్థను నిర్వహించకూడదని స్ప‌ష్టం చేశారు. న‌వంబ‌ర్ 30వ తేదీలోగా లైసెన్స్‌లు రెన్యూవ‌ల్ చేసుకోలేనిప‌క్షంలో వ్యాపారులు జ‌రిమానా చెల్లించాల్సి ఉంటుంద‌ని చెప్పారు.

జరిమానాల వివరాలు ఇలా ఉన్నాయి..

  • 30 నవంబర్ 2026 వరకు: నిర్ణీత గడువులోపు దరఖాస్తు చేసుకుంటే ఎటువంటి జరిమానా ఉండదు
  • 2026, 1 డిసెంబర్ నుంచి 2027, 31 జనవరి వరకు: బై-లా 4(i) ప్రకారం, 60 రోజుల వరకు ఆలస్యమైతే 25% జరిమానా విధిస్తారు
  • 2027, 1 ఫిబ్రవరి నుండి: బై-లా 4(ii) ప్రకారం, 60 రోజులకు మించి ఆలస్యమైతే 50% జరిమానా విధిస్తారు
  • 2017, సెప్టెంబర్ 7 నాటి స్టాండింగ్ కమిటీ తీర్మానం నెం.19 ప్రకారం, చెల్లుబాటు అయ్యే వాణిజ్య లైసెన్స్ లేకుండా వ్యాపారం నిర్వహిస్తే, గుర్తింపు సమయంలో 100% జరిమానా విధిస్తారు. ఆ తర్వాత వ్యాపారి అవసరమైన లైసెన్స్ పొందే వరకు ప్రతి నెలా అదనంగా 10% జరిమానా విధిస్తారు.

వ్యాపారులు తమ రెన్యూవ‌ల్ దరఖాస్తులను అధికారిక జీహెచ్ఎంసీ వెబ్‌సైట్ (https://ghmc.gov.in), మై క్యూర్ యాప్, మీ-సేవా కేంద్రాలు, జీహెచ్ఎంసీ ప‌రిధిలోని ఏదైనా పౌర సేవా కేంద్రం ద్వారా సమర్పించవచ్చు. కొత్త వ్యాపార కార్యకలాపాలను ప్రారంభించే సంస్థలు కూడా తమ కార్యకలాపాలను ప్రారంభించే ముందు వాణిజ్య లైసెన్స్ పొందవలసి ఉంటుంది.

Advertisement
Advertisement