Cable Bridge | దుర్గం చెరువు కేబుల్ బ్రిడ్జిపై అగ్నిప్ర‌మాదం

Cable Bridge | త్రినేత్ర‌.న్యూస్ : హైద‌రాబాద్ న‌గ‌రంలోని దుర్గం చెరువు కేబుల్ బ్రిడ్జిపై మంగ‌ళ‌వారం ఉద‌యం అగ్నిప్ర‌మాదం సంభ‌వించింది. వేగంగా దూసుకెళ్తున్న‌ బైక్‌లో ఆక‌స్మాత్తుగా మంట‌లు చెల‌రేగాయి. బైక్‌పై వెళ్తున్న ఇద్ద‌రు వ్య‌క్తుల‌ను స్థానికులు అప్ర‌మ‌త్తం చేశారు. దీంతో స‌డెన్‌గా బైక్‌ను ఆపి.. ప్ర‌మాదం నుంచి ఆ ఇద్ద‌రు త‌ప్పించుకున్నారు.

నిమిషాల వ్య‌వ‌ధిలోనే బైక్ పూర్తిగా దగ్ధ‌మైంది. ఈ ప్ర‌మాదం కార‌ణంగా దుర్గం చెరువు కేబుల్ బ్రిడ్జిపై భారీగా ట్రాఫిక్‌జామ్ ఏర్ప‌డింది. కిలోమీట‌ర్ల మేర వాహ‌నాలు నిలిచిపోవ‌డంతో ప్ర‌యాణికులు, వాహ‌న‌దారులు తీవ్ర ఇబ్బందులు ఎదుర్కొన్నారు. పోలీసులు ఘ‌ట‌నాస్థ‌లానికి చేరుకుని ప‌రిస్థితిని స‌మీక్షించారు. వాహ‌నాల‌ను క్ర‌మ‌బ‌ద్దీక‌రించారు. ఈ ప్ర‌మాదంలో ఎలాంటి ప్రాణ న‌ష్టం సంభ‌వించ‌క‌పోవ‌డంతో పోలీసులు ఊపిరి పీల్చుకున్నారు.