Danam Nagender | ఖైర‌తాబాద్‌లో పోటీపై సీఎం రేవంత్ స్ప‌ష్ట‌త ఇస్తారు : దానం నాగేంద‌ర్

Danam Nagender | త్రినేత్ర న్యూస్ : అన‌ర్హ‌త విష‌యంలో సుప్రీంకోర్టు తీర్పును స్వాగ‌తిస్తున్నాన‌ని దానం నాగేంద‌ర్ స్ప‌ష్టం చేశారు. ఖైర‌తాబాద్ నియోజ‌క‌వ‌ర్గంలో త‌న‌కు బ‌లం ఉంద‌ని, త‌ప్ప‌కుండా మ‌ళ్లీ గెలుస్తాన‌ని ఆయ‌న దీమా వ్య‌క్తం చేశారు. నా పోటీపై సీఎం రేవంత్ స్ప‌ష్ట‌త ఇస్తార‌ని తెలిపారు.

సుప్రీంకోర్టు తీర్పు అనంత‌రం దానం మీడియాతో మాట్లాడుతూ.. నాకు ప్ర‌జాక్షేత్రంలో బ‌లం ఉంది.. నియోజ‌క‌వ‌ర్గంలో నేను ప్ర‌తి ఇంటికి సేవ చేశాను.. స్థానికుల‌ను అడిగితే నేనేం చేశానో తెలుస్త‌ది.. ఉప ఎన్నిక‌లో పోటీ చేయ‌డంపై సీఎం స్ప‌ష్ట‌త ఇస్తారు. ఈ నియోజ‌క‌వ‌ర్గం నుంచి మూడుసార్లు గెలిచాను.. ఒక ఉప ఎన్నిక‌లో మాత్రం 1600 ఓట్ల‌తో ఓడిపోయాను. కానీ ఇప్పుడు ప‌రిస్థితులు చాలా అనుకూలంగా ఉన్నాయి. క‌లిసి ప‌ని చేసి త‌ప్ప‌కుండా గెలుస్తాన‌ని దానం నాగేంద‌ర్ పేర్కొన్నారు.