Rain Alert | హైద‌రాబాద్‌లో సాయంత్రం వ‌ర్షాలు.. త్వ‌ర‌గా లాగ్ అవుట్ అవ్వండి..

Rain Alert | త్రినేత్ర‌.న్యూస్ : సోమ‌వారం సాయంత్రం కురిసిన భారీ వ‌ర్షానికి హైద‌రాబాద్ న‌గ‌రం త‌డిసి ముద్దైన సంగ‌తి తెలిసిందే. సుమారు గంట‌కు పైగా కురిసిన వర్షానికి ప‌లుచోట్ల ట్రాఫిక్ జామ్ ఏర్ప‌డింది. మంగ‌ళ‌వారం సాయంత్రం నుంచి రాత్రి వ‌ర‌కు కూడా వ‌ర్షాలు కురిసే అవ‌కాశం ఉంద‌ని వాతావ‌ర‌ణ శాఖ హెచ్చ‌రించింది. ఈ క్ర‌మంలో సైబ‌రాబాద్ ట్రాఫిక్ పోలీసులు అప్ర‌మ‌త్తమ‌య్యారు.

సైబ‌రాబాద్ ప‌రిధిలో ప‌ని చేసే ఐటీ ఉద్యోగుల‌తో పాటు ఇత‌ర ఉద్యోగులు త్వ‌ర‌గా ఇంటికి చేరుకునేలా ప్లాన్ చేసుకోవాల‌ని ట్రాఫిక్ పోలీసులు సూచించారు. మ‌ధ్యాహ్నం 3.30 గంట‌ల నుంచే ఉద్యోగులు త‌మ కంప్యూట‌ర్ల‌ను లాగ్ అవుట్ చేసి ఇంటికి వెళ్లేలా ప్లాన్ చేసుకోవాల‌న్నారు. సాయంత్రం వేళ భారీగా ట్రాఫిక్ జామ్ ఏర్ప‌డే అవ‌కాశం ఉన్నందున వీలైనంత త్వ‌ర‌గా ఉద్యోగులు త‌మ నివాసాల‌కు చేరుకుంటే ఉత్త‌మ‌మ‌ని పోలీసులు పేర్కొన్నారు.

ఇక ఉద్యోగులు ఇంటికి వెళ్లే స‌మ‌యంలో సైబ‌రాబాద్ ట్రాఫిక్ పోలీసుల ఎక్స్ హ్యాండిల్‌ను ఫాలో కావాల‌ని సూచించారు. రోడ్ల‌పై వాహ‌నాల‌ను నెమ్మ‌దిగా డ్రైవ్ చేయాల‌ని సూచించారు.

🚨*SCSC-Situation Report & Advisory*🚨
*Date: 21st July 2026*
*Time: 14:30 hrs*

Situation: ⛈️ Forecast of moderate to Intense rains during evening peak hours.

*Advisory:* 🚨Early Logouts in staggered manner starting 3:30 PM - to avoid heavy traffic congestion during peak… pic.twitter.com/17aPpwVDlm

— Cyberabad Traffic Police (@CYBTRAFFIC) July 21, 2026