OU Students | ఓయూలో ముఖ్యమంత్రి దిష్టిబొమ్మ దహనం

OU Students | త్రినేత్ర‌.న్యూస్‌: బీఆర్ఎస్ రాష్ట్ర ప్రధాన కార్యదర్శి, ఐపీఎస్ మాజీ అధికారి, గురుకులాల మాజీ సెక్రటరీ డా.ఆర్ఎస్ ప్రవీణ్ కుమార్‌పై సీఎం రేవంత్‌ చేసిన అనుచిత వ్యాఖ్యలను నిర‌సిస్తూ ఉస్మానియా యూనివ‌ర్సిటీలోని ఆర్ట్స్ కాలేజ్ ముందు ఓయూ విద్యార్థి నాయ‌కులు సీఎం దిష్టిబొమ్మ‌ను ద‌హ‌నం చేశారు. సీఎం రేవంత్‌రెడ్డికి వ్య‌తిరేకంగా పెద్ద‌పెట్టున నినాదాలు చేశారు. క్ష‌మాప‌ణ‌లు చెప్ప‌కుంటే ముఖ్య‌మంత్రి ఇంటిని ముట్ట‌డిస్తామ‌న్నారు.

ఈ సంద‌ర్భంగా విద్యార్థి నాయ‌కులు మాట్లాడారు. బాడీ షేమింగ్ వ్యాఖ్య‌లు చేయ‌డం సిగ్గుచేటు. క‌మీష‌న్ల పెద్ద కొడుకు.. ఓటుకు నోటు కేసులో దొరికిన దొంగ‌వు ఒక ఐపీఎస్ ఆఫీస‌ర్ ను బాడీ షేమింగ్ వ్యాఖ్య‌లు చేయ‌డం దుర్మార్గం. రేవంత్‌ వెంట‌నే క్ష‌మాప‌ణ చెప్పాలి. త‌ప్పుల‌ను ఎత్తిచూపుతే వ్య‌క్తిగ‌తంగా విమ‌ర్శ‌లు చేస్తున్న‌వ్‌. క‌చ్చితంగా మీ ప్ర‌భుత్వాన్ని కూల‌దోస్తం. క‌బ‌ర్దార్ రేవంత్ రెడ్డి. క్ష‌మాప‌ణలు చెప్ప‌కుంటే నీ ఇంటిని ముట్ట‌డిస్తాం అని హెచ్చ‌రించారు.