Hyderabad | ల‌వ‌ర్ పెళ్లికి ఒప్పుకోలేద‌ని.. సెల్ ట‌వ‌రెక్కిన యువ‌కుడు

Hyderabad | త్రినేత్ర‌.న్యూస్ : ల‌వ‌ర్ పెళ్లికి ఒప్పుకోలేద‌ని ఓ యువ‌కుడు సెల్ ట‌వ‌ర్ ఎక్కాడు. ఈ ఘ‌ట‌న ఎల్‌బీన‌గ‌ర్ చింత‌ల‌కుంట చెక్ పోస్టు వ‌ద్ద శ‌నివారం మ‌ధ్యాహ్నం చోటు చేసుకుంది. ప్రేమించిన అమ్మాయి పెళ్లికి ఒప్పుకోవ‌డం లేద‌ని.. దూకి చ‌స్తాన‌ని బెదిరించాడు. స‌మాచారం అందుకున్న పోలీసులు సెల్ ట‌వ‌ర్ వ‌ద్ద‌కు చేరుకుని కింద‌కు దించే ప్ర‌య‌త్నం చేశారు. అమ్మాయి త‌ర‌పు కుటుంబ స‌భ్యుల‌తో మాట్లాడిస్తామ‌ని హామీ ఇవ్వ‌డంతో స‌ద‌రు యువ‌కుడు కింద‌కు దిగిన‌ట్లు స‌మాచారం. ఈ ఘ‌ట‌న‌ను స్థానికులు త‌మ సెల్‌ఫోన్ల‌లో బంధించారు.