Road Accident | హ‌య‌త్ న‌గ‌ర్‌లో ఘోర ప్ర‌మాదం.. ఎంబీబీఎస్ విద్యార్థిని మృతి

Road Accident | హైద‌రాబాద్ : హ‌య‌త్‌న‌గ‌ర్ పోలీసు స్టేష‌న్ ప‌రిధిలో ఘోర రోడ్డు ప్ర‌మాదం జ‌రిగింది. ఈ ప్ర‌మాదంలో ఎంబీబీఎస్ విద్యార్థిని మృతి చెంద‌గా, ఆమె తండ్రి తీవ్ర గాయాల‌పాల‌య్యాడు.

సోమ‌వారం ఉద‌యం ఆర్టీసీ కాల‌నీ వ‌ద్ద తండ్రి యంసాని పాండుతో క‌లిసి ఎంబీబీఎస్ విద్యార్థిని ఐశ్వ‌ర్య రోడ్డు దాటేందుకు య‌త్నించారు. అదే స‌మ‌యంలో అతి వేగంగా దూసుకొచ్చిన ఓ కారు తండ్రి, కుమార్తెను బ‌లంగా ఢీకొట్టింది. ఈ ప్ర‌మాదంలో ఐశ్వ‌ర్య అక్క‌డిక‌క్క‌డే ప్రాణాలు కోల్పోగా, తండ్రి తీవ్ర గాయాలపాల‌య్యాడు.

స‌మాచారం అందుకున్న పోలీసులు ఘ‌ట‌నాస్థ‌లానికి చేరుకున్నారు. తీవ్ర ర‌క్త‌స్రావంతో బాధ‌ప‌డుతున్న తండ్రిని ఓ ప్ర‌యివేటు ఆస్ప‌త్రికి త‌ర‌లించారు. ఐశ్వ‌ర్య మృత‌దేహాన్ని పోస్టుమార్టం నిమిత్తం ఉస్మానియా ఆస్ప‌త్రికి త‌ర‌లించారు. ఈ ప్ర‌మాద ఘ‌ట‌న‌పై కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు.

ఐశ్వ‌ర్య మ‌హ‌బూబ్‌న‌గ‌ర్ ప్ర‌భుత్వ మెడిక‌ల్ కాలేజీలో సెకండియ‌ర్ చ‌దువుతున్న‌ట్లు స‌మాచారం. ఆమె మృతితో మెడిక‌ల్ కాలేజీలో విషాదఛాయ‌లు అలుముకున్నారు. తోటి స్నేహితులు క‌న్నీరు పెట్టుకున్నారు. కళాశాల యాజ‌మాన్యం ప్ర‌గాఢ సానుభూతి తెలిపింది.