Hyderabad | టిప్ప‌ర్ – బైక్ ఢీ.. వ్య‌క్తి మృతి

Hyderabad | త్రినేత్ర‌.న్యూస్ : హైద‌రాబాద్‌లోని రాజేంద్ర‌న‌గ‌ర్‌లో ఆదివారం ఘోర ప్ర‌మాదం జ‌రిగింది. వేగంగా దూసుకువ‌చ్చిన టిప్ప‌ర్‌.. బైక్‌ను ఢీకొట్టింది. ఈ ప్ర‌మాదంలో బైక్‌పై ప్ర‌యాణిస్తున్న వ్య‌క్తి అక్క‌డిక‌క్క‌డే ప్రాణాలు కోల్పోయాడు.

స‌మాచారం అందుకున్న పోలీసులు ఘ‌ట‌నాస్థ‌లానికి చేరుకుని స‌హాయ‌క చ‌ర్య‌లు చేప‌ట్టారు. మృత‌దేహాన్ని స్వాధీనం చేసుకుని పోస్టుమార్టం నిమిత్తం ఉస్మానియా ఆస్ప‌త్రికి త‌ర‌లించారు.

మృతుడిని ఆసిఫ్‌న‌గ‌ర్‌కు చెందిన మ‌హ్మ‌మ‌ద్ అబ్దుల్ హ‌సీబ్‌(44)గా పోలీసులు గుర్తించారు. ఈ ప్ర‌మాద ఘ‌ట‌న‌పై కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు. టిప్ప‌ర్ డ్రైవ‌ర్‌ను అదుపులోకి తీసుకుని విచారిస్తున్నారు.