Drunk and Drive | డ్రంక్ అండ్ డ్రైవ్‌లో ప‌ట్టుబ‌డ్డ 2,731 మంది

Drunk and Drive | నూత‌న సంవ‌త్స‌ర వేడుక‌ల (New Year Celebrations) నేప‌థ్యంలో న‌గ‌రంలోని మూడు పోలీస్ క‌మిష‌న‌రేట్ల (Police Commissionerate) ప‌రిధిలో డ్రంక్ అండ్ డ్రైవ్‌ (Drunk and Drive) లో మొత్తం 2,731 మంది ప‌ట్టుబ‌డ్డారు. పోలీసులు ముంద‌స్తుగా హెచ్చ‌రించిన విధంగానే ముమ్మ‌రంగా డ్రంక్ అండ్ డ్రైవ్ త‌నిఖీలు చేప‌ట్టారు. ఎట్టిప‌రిస్థితుల్లోనూ మ‌ద్యం సేవించి, వాహ‌నం న‌డ‌ప‌కూడ‌ద‌ని, డ్రంక్ అండ్ డ్రైవ్‌లో ప‌ట్టుబ‌డితే ఎట్టిప‌రిస్థితుల్లోనూ వ‌దిలిపెట్ట‌బోమ‌ని ముందునుంచీ హెచ్చ‌రిస్తూ వ‌చ్చారు. ప‌ట్టుబ‌డితే కేసులు న‌మోదు చేసి, జైలుకు పంపుతామ‌ని చెప్పిన‌ప్ప‌టికీ మందుబాబులు మ‌ద్యం సేవించి, భారీగానే ప‌ట్టుబ‌డ్డారు. హైద‌రాబాద్ పోలీస్ క‌మిష‌న‌రేట్‌లో 1,198 మంది, సైబ‌రాబాద్ క‌మిష‌న‌రేట్‌లో 928 మంది, మ‌ల్కాజ్‌గిరి క‌మిష‌న‌రేట్‌లో 605 మందిపై డ్రంక్ అండ్ డ్రైవ్ కేసులు న‌మోదు చేసిన‌ట్లు పోలీసులు వెల్ల‌డించారు.