Bigg Boss | బిగ్‌బాస్ హిస్ట‌రీలో ఫ‌స్ట్ టైమ్ – రెడ్ కార్డుతో ఇద్ద‌రు కంటెస్టెంట్స్ ఎలిమినేట్‌

Bigg Boss |  త‌మిళ బిగ్‌బాస్ సీజ‌న్ 9లో ఓ ఆస‌క్తిక‌ర సంఘ‌ట‌న చోటుచేసుకుంది. రెడ్ కార్డ్‌తో ఇద్ద‌రు కంటెస్టెంట్స్‌ను హోస్ట్ విజ‌య్ సేతుప‌తి అర్థాంత‌రంగా ఇంటికి పంపించేసిన‌ట్లు స‌మాచారం. త‌మిళ బిగ్‌బాస్ హిస్ట‌రీలోనే రెడ్ కార్డ్‌తో హౌజ్ నుంచి ఎలిమినేట్ అయిన ఫ‌స్ట్‌ కంటెస్టెంట్స్‌గా పారు, క‌మ్రుద్దీన్ నిల‌వ‌నున్నారు.
విజ‌య్ సేతుప‌తి హోస్ట్‌గా వ్య‌వ‌హ‌రిస్తున్న త‌మిళ బిగ్‌బాస్ తుది ద‌శ‌కు చేరుకుంది. ప్ర‌స్తుతం ఏడుగురు కంటెస్టెంట్స్ హౌజ్‌లో ఉన్నారు. వీరిలో అరోరా ఫైన‌ల్ చేరుకుంది.
ఈ సండే ఎపిసోడ్‌లో ఇద్ద‌రు కంటెస్టెంట్స్ హౌజ్ నుంచి ఎలిమినేట్ కాబోతున్న‌ట్లు స‌మాచారం. అదీ కూడా రెడ్ కార్డ్ ద్వారా వారిని పంపించేయ‌బోతున్నార‌ట‌. ఇందుకు సంబంధించిన ప్రోమో సోష‌ల్ మీడియాలో తెగ చ‌క్క‌ర్లుకొడుతోంది.

టికెట్ టూ ఫినాలే

టికెట్ టూ ఫినాలే టాస్క్‌లో భాగంగా కారులోనే రాత్రంతా కూర్చోవాల‌ని బిగ్‌బాస్ ఓ టాస్క్ ఇచ్చాడు. ఈ టాస్క్‌లో భాగంగా అనుకోకుండా సాండ్రాతో పారు, క‌మ్రుద్దీన్ గొడ‌వ‌ప‌డ్డారు. సాండ్రాను ఇద్ద‌రు క‌లిసి బ‌లంగా కారు నుంచి బ‌య‌ట‌కు తోసేశారు. కారు డోర్‌లో చిక్కుకొని సాండ్రా కాలుకు గాయ‌మైంది. మెడిక‌ల్ ఎమ‌ర్జెన్సీ సాయాన్ని కోరింది. ఆమెకు సాయం చేయ‌డానికి మిగిలిన కంటెస్టెంట్స్ టాస్క్ నుంచి త‌ప్పుకున్నారు. కానీ పారు, క‌మ్రుద్దీన్ మాత్రం గేమ్‌ను కంటిన్యూ చేశారు. వారి ప్ర‌వ‌ర్త‌న‌ను విజ‌య్ సేతుప‌తి త‌ప్పుప‌ట్టారు. బిగ్‌బాస్ రూల్స్‌కు విరుద్దంగా గేమ్ ఆడార‌ని పారు, క‌ముద్దీన్‌పై ఫైర్ అయ్యారు. ఇద్ద‌రికీ రెడ్ కార్డ్ ఇష్యూ చేశారు. వెంట‌నే హౌజ్ నుంచి వెళ్లిపోవాల‌ని ఆదేశించిన‌ట్లుగా ప్రోమోలో క‌నిపిస్తోంది.

ఈ రోజు రాత్రి టెలికాస్ట్ కానున్న ఎపిసోడ్‌లో పారు, క‌మ్రుద్దీన్ హౌజ్ నుంచి వెళ్లిపోయారా? బిగ్‌బాస్ వారిని క్ష‌మించేసిందా? అన్న‌ది డిసైడ్ కాబోతుంది. ఒక‌వేళ హౌజ్ నుంచి ఎలిమినేట్ అయితే రెడ్‌కార్డ్ ద్వారా హౌజ్ నుంచి వెళ్లిపోయిన ఫ‌స్ట్ కంటెస్టెంట్స్‌గా వీరిద్ద‌రు నిలువ‌నున్నారు. జ‌న‌వ‌రి నెలాఖ‌రున బిగ్‌బాస్ త‌మిళ సీజ‌న్ 9 గ్రాండ్ ఫినాలే జ‌రుగ‌నుంది.