Malayalam OTT | హీరోయిన్‌గా మోహ‌న్‌లాల్ కూతురు – ఓటీటీలోకి మ‌ల‌యాళం స‌ర్వైవ‌ల్ థ్రిల్ల‌ర్ మూవీ – తెలుగులో రిలీజ్‌

Malayalam OTT |  మ‌ల‌యాళ అగ్ర హీరో మోహ‌న్‌లాల్ కూతురు విస్మ‌య తుడ‌క్కం మూవీతో హీరోయిన్‌గా ఎంట్రీ ఇచ్చింది. మార్ష‌ల్ ఆర్ట్స్ బ్యాక్‌డ్రాప్‌లో యాక్ష‌న్ థ్రిల్ల‌ర్‌గా తెర‌కెక్కిన ఈ సినిమాతో తొలి అడుగులోనే పెద్ద విజ‌యాన్ని అందుకుంది. థియేట‌ర్ల‌లో ఈ మూవీ యాభై కోట్ల‌కుపైగా వ‌సూళ్ల‌ను ద‌క్కించుకుంది.

గెస్ట్ రోల్‌....

తుడ‌క్కం మూవీకి 2018 ఫేమ్ జ్యూడ్ ఆంథోనీ జోసెఫ్ ద‌ర్శ‌క‌త్వం వ‌హించాడు. ఈ సినిమాలో మోహ‌న్‌లాల్ ఓ గెస్ట్ రోల్‌లో క‌నిపించాడు. తండ్రీకూతుళ్లు ఇద్ద‌రూ క‌లిసి స్క్రీన్‌పై క‌నిపించే సీన్లు అభిమానుల‌ను ఆక‌ట్టుకున్నాయి.
థియేట‌ర్ల‌లో సూప‌ర్ హిట్‌గా నిలిచిన తుడ‌క్కం ఓటీటీలోకి వ‌చ్చేస్తోంది. ఈ సినిమా స్ట్రీమింగ్ డేట్‌, ప్లాట్‌ఫామ్ క‌న్ఫామ్ అయ్యాయి. సెప్టెంబ‌ర్ 18 నుంచి జియో హాట్‌స్టార్‌లో స్ట్రీమింగ్ కాబోతుంది. మ‌ల‌యాళంతో పాటు తెలుగులోనూ ఈ సినిమా రిలీజ్ అవుతోంది.

మార్ష‌ల్ ఆర్ట్స్‌...

మ‌హిళా సాధికార‌త‌కు యాక్ష‌న్ అంశాల‌ను జోడించి ద‌ర్శ‌కుడు జూడ్ ఆంథోనీ జోసెఫ్ ఈ సినిమాను తెర‌కెక్కించారు. తొలి సినిమాతోనే త‌న న‌ట‌న‌తో విస్మ‌య అభిమానుల‌ను ఆక‌ట్టుకుంది. మీను ఓ ధైర్య‌వంతురాలైన యువ‌తి. మార్ష‌ల్ ఆర్ట్స్‌లో ట్రైనింగ్ తీసుకుంటుంది. ఓ సారి ప్ర‌మాదంలో ఉన్న ఇద్ద‌రు చిన్నారుల‌ను మీను కాపాడుతుంది. ఆ సంఘ‌ట‌న కార‌ణంగా ఓ కిల్ల‌ర్ గ్యాంగ్‌కు మీను టార్గెట్‌గా మారిపోతుంది. ఆ కిల్ల‌ర్స్ బారి నుంచి మీను త‌న కుటుంబాన్ని ఎలా కాపాడుకుంది? అన్న‌దే ఈ మూవీ క‌థ‌.

తుడ‌క్కం మూవీకి జేక్స్ బిజోయ్ మ్యూజిక్ అందించారు. తొలి సినిమాతోనే హిట్టు కొట్టిన విస్మ‌య ప్ర‌స్తుతం మ‌ల‌యాళంలో మ‌రో రెండు సినిమాల‌కు గ్రీన్‌సిగ్న‌ల్ ఇచ్చిన‌ట్లు స‌మాచారం.