Puri Jagannadh | అంధుడిగా విజ‌య్ సేతుప‌తి – పూరి జ‌గ‌న్నాథ్ స్ల‌మ్‌డాగ్ టీజ‌ర్ రిలీజ్‌

Puri Jagannadh |  కోలీవుడ్ వెర్స‌టైల్ యాక్ట‌ర్‌ విజ‌య్ సేతుప‌తి హీరోగా పూరి జ‌గ‌న్నాథ్ ద‌ర్శ‌క‌త్వంలో రూపొందుతోన్న తెలుగు మూవీ స్ల‌మ్‌డాగ్ 33 టెంపుల్ రోడ్‌. ట‌బు, సంయుక్త మీన‌న్ ప్ర‌ధాన పాత్ర‌ల్లో న‌టిస్తోన్న ఈ సినిమాను ఛార్మీతో క‌లిసి పూరి జ‌గ‌న్నాథ్ స్వ‌యంగా నిర్మిస్తోన్నారు. స్ల‌మ్ డాగ్ టీజ‌ర్‌ను మేక‌ర్స్ సోమ‌వారం రిలీజ్ చేశారు. యాక్ష‌న్ అంశాల‌తో వ‌య‌లెంట్‌గా ఈ టీజ‌ర్ సాగింది. ఈ సినిమాలో విజ‌య్ సేతుప‌తి అంధుడిగా క‌నిపించ‌బోతున్న‌ట్లు టీజ‌ర్‌లో చూపించారు.

త్వ‌ర‌లో రిలీజ్‌...

ఒక్క వాన ప‌డితే కాకుల్లా చెట్ల కింద దాక్కునే జీవితాలు మావి... అలాంటి మా బ‌తుకులతో ఆడుకుంటే నేను ఎందుకు వ‌దులుతాను అంటూ విజ‌య్ సేతుప‌తి డైలాగ్‌తోనే ఈ టీజ‌ర్ ప్రారంభ‌మైంది టీజ‌ర్‌లోని బీజీఎమ్ ఆక‌ట్టుకుంటుంది. ట‌బు పోలీస్ ఆఫీస‌ర్ పాత్ర‌లో క‌నిపించ‌నుంది. స్ల‌మ్ డాగ్ మూవీకి యానిమ‌ల్‌, అర్జున్ రెడ్డి ఫేమ్ హ‌ర్ష‌వ‌ర్ధ‌న్ రామేశ్వ‌ర్ మ్యూజిక్ అందిస్తున్నారు. త్వ‌ర‌లో ఈ సినిమా థియేట‌ర్ల‌లోకి రానున్న‌ట్లు మేక‌ర్స్ ప్ర‌క‌టించారు. తెలుగుతో పాటు త‌మిళం, మ‌ల‌యాళం, హిందీ, క‌న్న‌డ భాష‌ల్లో ఈ మూవీ రిలీజ్ కాబోతుంది.