Venkatesh | అఫీషియ‌ల్ : వెంక‌టేష్, త్రివిక్ర‌మ్‌ ఆద‌ర్శ‌కుటుంబం రిలీజ్ డేట్ ఫిక్స్ – పోస్ట్‌పోన్ రూమ‌ర్ల‌కు చెక్‌

Venkatesh |  వెంక‌టేష్, త్రివిక్ర‌మ్ కాంబినేష‌న్‌లో తెర‌కెక్కుతోన్న ఆద‌ర్శ కుటుంబం మూవీ వాయిదాప‌డ‌నున్న‌ట్లు గ‌త కొద్ది రోజులుగా పుకార్లు షికారు చేస్తోన్నాయి. ఇటీవ‌ల రిలీజైన ఓ త‌మిళ సూప‌ర్ హిట్ మూవీ క‌థ...ఆద‌ర్శ కుటుంబాన్ని పోలి ఉందంటూ వార్త‌లొస్తున్నాయి. ఈ త‌మిళ సినిమా కార‌ణంగా ఆద‌ర్శ కుటుంబంలో చాలా సీన్ల‌ను రీషూట్ చేయ‌బోతున్నార‌ని ప్ర‌చారం జ‌రుగుతోంది. ఈ రీషూట్ల కార‌ణంగా ఈ ఏడాది రిలీజ్ కావాల్సిన వంక‌టేష్‌ మూవీ వ‌చ్చే ఏడాదికి వాయిదాప‌డిన‌ట్లు టాక్ వినిపిస్తోంది.

స్పెష‌ల్ పోస్ట‌ర్‌....

ఈ పోస్ట్‌పోన్ రూమ‌ర్ల‌కు మేక‌ర్స్ చెక్‌పెట్టారు. అఫీషియ‌ల్‌గా ఈ సినిమా రిలీజ్ డేట్‌ను శ‌నివారం ప్ర‌క‌టించారు. అక్టోబ‌ర్ 2న ఆద‌ర్శ కుటుంబం థియేట‌ర్ల‌లోకి రానున్న‌ట్లు వెల్ల‌డించారు. విడుద‌ల తేదీతో పాటు స్పెష‌ల్ పోస్ట‌ర్‌ను అభిమానుల‌తో పంచుకున్నారు మేక‌ర్స్‌. ఈ పోస్ట‌ర్‌లో వెంక‌టేష్‌, శ్రీనిధి శెట్టి భార్యాభ‌ర్త‌లుగా సింపుల్ లుక్‌లో క‌నిపిస్తున్నారు. వారి వెనుక ఇద్ద‌రు పిల్ల‌లు ఉండ‌టం ఆస‌క్తిని పంచుతోంది. కంప్లీట్ ఫ్యామిలీ ఎంట‌ర్‌టైన‌ర్‌గా ఈ సినిమా రూపొంద‌నున్న‌ట్లు పోస్ట‌ర్ ద్వారా మేక‌ర్స్ హింట్ ఇచ్చారు.

థ్రిల్ల‌ర్ ఎలిమెంట్స్‌...

వెంక‌టేష్ హీరోగా త్రివిక్ర‌మ్ డైరెక్ష‌న్‌లో వ‌స్తోన్న ఫ‌స్ట్ మూవీ ఇది. గ‌తంలో వెంక‌టేష్ న‌టించిన నువ్వు నాకు న‌చ్చావ్‌, వాసు, మ‌ల్లీశ్వ‌రి సినిమాల‌కు త్రివిక్ర‌మ్ రైట‌ర్‌గా ప‌నిచేశారు. త్రివిక్ర‌మ్ శైలి ఫ్యామిలీ ఎమోష‌న్స్‌తో పాటు వెంక‌టేష్ త‌ర‌హా కామెడీ క‌ల‌బోత‌గా ఆద‌ర్శ‌కుటుంబం ఉండ‌బోతున్న‌ట్లు స‌మాచారం. అంత‌ర్లీనంగా ఈ సినిమాలో థ్రిల్ల‌ర్ ఎలిమెంట్స్ ఉంటాయ‌ట‌.

నివేదా పేతురాజ్‌...

ఆద‌ర్శ కుటుంబం సినిమాకు త‌మ‌న్ మ్యూజిక్ అందిస్తున్నారు. హారిక హాసిని క్రియేష‌న్స్ ప‌తాకంపై చిన‌బాబు ఈ సినిమాను నిర్మిస్తున్నారు. ఈ సినిమాలో నారా రోహిత్, దివ్యేందు శ‌ర్మ కీల‌క పాత్ర‌ల్లో న‌టించ‌నున్న‌ట్లు స‌మాచారం. నివేదా పేతురాజ్ స్పెష‌ల్ సాంగ్ చేస్తోన్న‌ట్లు వార్త‌లు వినిపిస్తున్నాయి. ఆద‌ర్శ కుటుంబం త‌ర్వాత డైరెక్ట‌ర్ అనిల్ రావిపూడితో వెంక‌టేష్ ఓ సినిమా చేయ‌బోతున్నారు. నంద‌మూరి క‌ళ్యాణ్ రామ్ మ‌రో హీరోగా న‌టిస్తోన్న ఈ సినిమాలో కీర్తి సురేష్, కృతి శెట్టి హీరోయిన్లుగా న‌టిస్తున్నారు. వ‌చ్చే ఏడాది సంక్రాంతికి ఈ సినిమా రిలీజ్ కాబోతుంది.

A date for every family to remember ❤️

The doors of #AadarshaKutumbam open worldwide on OCTOBER 2nd ✨#AK47OnOCT2nd#AK47 | #Venky77 | #VenkateshXTrivikram
#Trivikram @SrinidhiShetty7 @musicthaman #SRadhaKrishna @dop007 @sreekar_prasad #AsPrakash @kevinkumarrrr… pic.twitter.com/oH45fw8it4

— Venkatesh Daggubati (@VenkyMama) June 27, 2026