Tollywood | మిరాయ్ బ్యూటీతో మెగా హీరో హార‌ర్ కామెడీ మూవీ – మాస్ పోస్ట‌ర్‌తో రిలీజ్ డేట్ చెప్పేశారుగా!

Tollywood | మెగా హీరో వ‌రుణ్ తేజ్ హిట్టు కొట్టి చాలా కాల‌మే అయ్యింది. ప్ర‌యోగాత్మ‌క క‌థాంశాల‌తో అత‌డు చేసిన గ‌త సినిమాలేవి స‌రైన విజ‌యాల‌ను అందుకోలేదు. ప్ర‌స్తుతం కొరియ‌న్ క‌న‌క‌రాజు పేరుతో ఓ హార‌ర్ కామెడీ మూవీ చేస్తున్నాడు వ‌రుణ్‌తేజ్‌. మేర్ల‌పాక గాంధీ ద‌ర్శ‌క‌త్వం వ‌హిస్తున్న ఈ సినిమాలో మిరాయ్ ఫేమ్ రితికా నాయ‌క్ హీరోయిన్‌గా న‌టిస్తోంది. క‌మెడియ‌న్ స‌త్య కీల‌క పాత్ర పోషిస్తున్నాడు.

మాస్ లుక్‌....

కొరియ‌న్ క‌న‌క‌రాజు రిలీజ్ డేట్‌ను మేక‌ర్స్ శుక్ర‌వారం క‌న్ఫామ్ చేశారు. ఆగ‌స్ట్ 7న ఈ మూవీ థియేట‌ర్ల‌లోకి రాబోతున్న‌ట్లు ప్ర‌క‌టించారు. ఓ స్పెష‌ల్ పోస్ట‌ర్‌ను రిలీజ్ చేశారు. ఇందులో చేతిలో క‌త్తి ప‌ట్టుకొని లుంగీ ధ‌రించి మాస్ లుక్‌లో వ‌రుణ్ తేజ్ క‌నిపిస్తున్నారు. అత‌డి వెనుక కొంద‌రు కొరియ‌న్ వ్య‌క్తులు గ‌న్నులు ప‌ట్టుకొని ఉండ‌టం ఆస‌క్తిని పంచుతోంది.

చిత్తూరు టూ కొరియా...

ఓ చిత్తూరు యువ‌కుడు కొరియాకు ఎందుకు వెళ్లాడు? గ్యాంగ్‌స్ట‌ర్ ఆత్మ అత‌డిలోకి ఎలా ప్ర‌వేశించింద‌నే అంశాల‌తో ఈ సినిమా తెర‌కెక్కుతోంది. కొరియ‌న్ క‌న‌రాజు మూవీకి త‌మ‌న్ మ్యూజిక్ అందిస్తున్నాడు. కొరియ‌న్ క‌న‌క‌రాజు సినిమాను యూవీ క్రియేష‌న్స్ సంస్థ నిర్మిస్తోంది. మిరాయ్‌తో బిగ్గెస్ట్ హిట్ అందుకున్న రితికా నాయ‌క్ ఏడాది త‌ర్వాత ఈ హార‌ర్ కామెడీ మూవీతో తెలుగు ప్రేక్ష‌కుల ముందుకు రాబోతుంది.

వెంక‌టాద్రి ఎక్స్‌ప్రెస్‌...

వెంక‌టాద్రి ఎక్స్‌ప్రెస్‌తో టాలీవుడ్‌లోకి డైరెక్ట‌ర్‌గా ఎంట్రీ ఇచ్చాడు మేర్ల‌పాక గాంధీ. ఆ త‌ర్వాత ఎక్స్‌ప్రెస్ రాజా, కృష్ణార్జున యుద్ధం, ఎక్ మినీ క‌థ‌తో పాటు మ‌రికొన్ని సినిమాలు చేశాడు.
ప్ర‌స్తుతం కొరియ‌న్ క‌న‌రాజుతో పాటు బ‌రి పేరుతో ఓ స్పోర్ట్స్ డ్రామా సినిమా చేస్తున్నాడు వ‌రుణ్ తేజ్‌. య‌దు వంశీ ద‌ర్శ‌క‌త్వం వ‌హిస్తున్న బ‌రి సినిమాకు వ‌రుణ్ తేజ్ సోద‌రి నిహారిక ప్రొడ్యూస‌ర్‌గా వ్య‌వ‌హ‌రించ‌బోతుంది. ఇటీవ‌లే అఫీషియ‌ల్‌గా ఈ మూవీ లాంఛ్ అయ్యింది.