Horror OTT | ఓటీటీలోకి మెగా హీరో బ్లాక్‌బ‌స్ట‌ర్‌ హారర్ కామెడీ మూవీ – స్ట్రీమింగ్ డేట్‌, ప్లాట్‌ఫామ్ ఏవంటే?

Horror OTT | కొరియ‌న్ క‌న‌క‌రాజు మూవీతో లాంగ్ గ్యాప్ త‌ర్వాత బ్లాక్‌బ‌స్ట‌ర్‌ను అందుకున్నాడు మెగా హీరో వ‌రుణ్ తేజ్‌. హార‌ర్ కామెడీగా తెర‌కెక్కిన ఈ సినిమాకు మేర్ల‌పాక గాంధీ ద‌ర్శ‌క‌త్వం వ‌హించాడు. రితికా నాయ‌క్ హీరోయిన్‌గా న‌టించిన ఈ సినిమాలో స‌త్య‌, ముర‌ళీధ‌ర్ గౌడ్ కీల‌క పాత్ర‌లు పోషించారు.

పాజిటివ్ టాక్‌...

ఆగ‌స్ట్ ఫ‌స్ట్ వీక్‌లో థియేట‌ర్ల‌లో రిలీజైన కొరియ‌న్ క‌న‌క‌రాజు పాజిటివ్ టాక్‌ను సొంతం చేసుకుంది. దాదాపు 30 కోట్ల బ‌డ్జెట్‌తో రూపొందిన ఈ సినిమా న‌ల‌భై కోట్లకుపైగా క‌లెక్ష‌న్స్ ద‌క్కించుకుంది. ఓటీటీ, శాటిలైట్‌తో పాటు మ్యూజిక‌ల్ రైట్స్ ద్వారా మేక‌ర్స్‌కు మ‌రో ఇర‌వై ఐదు కోట్ల వ‌ర‌కు వ‌చ్చిన‌ట్లు స‌మాచారం. నిర్మాత‌ల‌కు ఈ మెగా హీరో మూవీ భారీగా లాభాలు తెచ్చిపెట్టింది.

నెట్‌ఫ్లిక్స్‌...

తాజాగా కొరియ‌న్ క‌న‌క‌రాజు ఓటీటీలోకి వ‌చ్చేస్తోంది. సెప్టెంబ‌ర్ 4 నుంచి నెట్‌ఫ్లిక్స్‌లో స్ట్రీమింగ్ కాబోతుంది. కొరియ‌న్ క‌న‌క‌రాజు మూవీలో వ‌రుణ్ తేజ్ యాక్టింగ్‌తో పాటు స‌త్య, ముర‌ళీధ‌ర్ గౌడ్ కామెడీ అభిమానుల‌ను ఆక‌ట్టుకున్నాయి. ఈ సినిమాకు త‌మ‌న్ మ్యూజిక్ అందించాడు.

కొరియ‌న్ గ్యాంగ్‌స్ట‌ర్‌....

పెనుకొండ‌కు చెందిన క‌న‌క‌రాజు చెక్క‌భ‌జ‌న ప్ర‌ద‌ర్శ‌న‌లు చేస్తూ జీవితాన్ని వెళ్ల‌దీస్తుంటాడు. త‌మ ఊరికే చెందిన చైత్ర‌తో తొలిచూపులోనే ప్రేమ‌లో ప‌డ‌తాడు. కొరియ‌న్ వెళ్లాల‌న్న‌ది చైత్ర క‌ల‌. ఆ ప్ర‌య‌త్నాల్లోనే ఉంటుంది. లోక‌ల్ ఎమ్మెల్యేతో జ‌రిగిన ఓ గొడ‌వ‌లో క‌న‌క‌రాజులోకి కొరియ‌న్ గ్యాంగ్‌స్ట‌ర్ ఆత్మ ప్ర‌వేశిస్తుంది. ఆ ఆత్మ నుంచి విముక్తి కోసం త‌న స్నేహితుడు కిష్ట‌ప్ప‌, ప్రియురాలు చైత్ర‌తో క‌లిసి క‌న‌క‌రాజు కొరియా వెళ‌తాడు? ఆ గ్యాంగ్‌స్ట‌ర్ గురించి క‌న‌క‌రాజుకు ఎలాంటి నిజాలు తెలిశాయి అన్న‌దే ఈ మూవీ క‌థ‌.