Varun Sandesh | నా వైఫ్ మిస్సింగ్ అంటోన్న టాలీవుడ్ హీరో – ఏంటా మిస్ట‌రీ?

Varun Sandesh |  టాలీవుడ్ హీరో వ‌రుణ్ సందేశ్ వైఫ్ మిస్స‌య్యింద‌ట‌. అదృశ్య‌మైన భార్య కోసం వెతుకుతున్నానంటూ చెబుతోన్నాడు. రియ‌ల్ లైఫ్‌లో కాదు రీల్ లైఫ్‌లో... నా వైఫ్ మిస్సింగ్ పేరుతో ఓ మిస్ట‌రీ థ్రిల్ల‌ర్ మూవీ చేయ‌బోతున్నారు. శ‌నివారం ఈ సినిమా పూజా కార్య‌క్ర‌మాల‌ను నిర్వ‌హించారు. ఈ వేడుక‌కు టాలీవుడ్ సీనియ‌ర్ ప్రొడ్యూస‌ర్ సీ క‌ళ్యాణ్ గెస్ట్‌గా హాజ‌ర‌య్యారు. వ‌రుణ్ సందేశ్‌పై చిత్రీక‌రించిన ముహూర్త‌పు స‌న్నివేశానికి క‌ళ్యాణ్ క్లాప్ నిచ్చారు.

వితికా శేరు...

ఓపెనింగ్ ఈవెంట్‌లో వ‌రుణ్ సందేశ్ భార్య వితికా శేరు కూడా పాల్గొన్న‌ది. ఈ మిస్ట‌రీ థ్రిల్ల‌ర్ మూవీలో వితికా శేరు కూడా న‌టించ‌బోతున్న‌ట్లు ప్ర‌చారం జ‌రుగుతోంది.
నా వైఫ్ మూవీ మిస్సింగ్ మూవీ థియేట‌ర్ల‌ను స్కిప్ చేస్తూ నేరుగా ఓటీటీలో రిలీజ్ కాబోతుంది. ఆహా ఓటీటీలో స్ట్రీమింగ్ కానుంది. ఈ విష‌యాన్ని ఆహా ఓటీటీ అఫీషియ‌ల్‌గా ప్ర‌క‌టించింది. నా వైఫ్ మిస్సింగ్ మూవీకి డైరెక్ట‌ర్ ఎవ‌ర‌న్న‌ది మాత్రం మేక‌ర్స్ రివీల్ చేయ‌లేదు.
ప్ర‌స్తుతం వ‌రుణ్ సందేశ్ భార్య వితికా శేరుతో క‌లిసి డియ‌ర్ ఆస్ట్రోనాట్ పేరుతో ఓ సినిమా చేస్తోన్నారు. ఇటీవ‌లే ఈ మూవీ ఫ‌స్ట్ లుక్‌ను రిలీజ్ చేశారు. ప్ర‌స్తుతం క్యాస్ట్, హ‌లో ఇట్స్ మీతో పాటు మ‌రికొన్ని చిన్న సినిమాల్లో హీరోగా న‌టిస్తున్నాడు వ‌రుణ్ సందేశ్‌.