Ubs Collections | ఉస్తాద్ భ‌గ‌త్‌సింగ్ వ‌ర్సెస్ ధురంధ‌ర్ 2 – ఫ‌స్ట్ డే క‌లెక్ష‌న్స్‌లో బాలీవుడ్ హీరోను బీట్ చేసిన ప‌వ‌న్ క‌ళ్యాణ్‌

Ubs Collections |  ప‌వ‌న్ క‌ళ్యాణ్ ఉస్తాద్ భ‌గ‌త్‌సింగ్ మూవీ మిక్స్‌డ్ టాక్‌తో బాక్సాఫీస్ వ‌ద్ద కుమ్మేసింది. తొలిరోజే యాభై కోట్ల మార్క్‌ను ట‌చ్ చేసింది. ధురంధ‌ర్ 2 మూవీని దాటేసింది. యాక్ష‌న్ ఎంట‌ర్‌టైన‌ర్‌గా తెర‌కెక్కిన ఈ సినిమాకు హ‌రీష్ శంక‌ర్ ద‌ర్శ‌క‌త్వం వ‌హించాడు. గ‌బ్బ‌ర్‌సింగ్ బ్లాక్‌బ‌స్ట‌ర్ త‌ర్వాత ప‌వ‌న్ క‌ళ్యాణ్‌, హ‌రీష్ శంక‌ర్ కాంబినేష‌న్‌లో రూపొందిన ఈ సినిమాపై రిలీజ్‌కు ముందు భారీగా అంచ‌నాలు ఏర్ప‌డ్డాయి. అందుకు త‌గ్గ‌ట్లే టీజ‌ర్‌, ట్రైల‌ర్‌తో పాటు సాంగ్స్ అభిమానుల‌ను ఆక‌ట్టుకున్నాయి.

బ్రేక్ ఈవెన్ టార్గెట్‌....

గురువారం ప్రేక్ష‌కుల ముందుకొచ్చిన ఉస్తాద్ భ‌గ‌త్‌సింగ్ మూవీ తొలిరోజే 52. 80 కోట్ల గ్రాస్ క‌లెక్ష‌న్స్ తో ర‌చ్చ‌చేసింది. వ‌ర‌ల్డ్ వైడ్‌గా 32 కోట్ల షేర్ వ‌సూళ్ల‌ను రాబ‌ట్టింది. 133 కోట్ల బ్రేక్ ఈవెన్ టార్గెట్‌తో రిలీజైన ఈ మూవీ ఫ‌స్ట్ డే 24 శాతం రిక‌వ‌రీ సాధించింది. ఈ సినిమా బ్రేక్ ఈవెన్ లోకి అడుగుపెట్టాలంటే ఇంకో వంద కోట్ల వ‌సూళ్ల‌ను సాధించాల్సివుంద‌ని ట్రేడ్ వ‌ర్గాలు చెబుతోన్నాయి.

రెట్టింపు వ‌సూళ్ల‌తో...

తెలుగు రాష్ట్రాల్లో గురువారం రోజు ఉస్తాద్ భ‌గ‌త్‌సింగ్ 52 కోట్ల క‌లెక్ష‌న్స్ ద‌క్కించుకోగా...ధురంధ‌ర్ 2 హిందీ, తెలుగు వెర్ష‌న్స్ క‌లిపి 25 కోట్ల వ‌ర‌కు వ‌సూళ్లు వ‌చ్చాయి. బాలీవుడ్ మూవీకి రెట్టింపు వ‌సూళ్ల‌తో ప‌వ‌న్ క‌ళ్యాణ్ మూవీ అద‌ర‌గొట్టింది.

నైజాంలో మైన‌స్‌...

నైజాంలో మాత్రం మొద‌టి రోజు ఉస్తాద్ భ‌గ‌త్‌సింగ్ అంచ‌నాల‌కు త‌గ్గ‌ట్లుగా క‌లెక్ష‌న్స్ సాధించ‌లేక నిరాశ‌ప‌రిచింది. టికెట్ రేట్ హైక్స్‌తో పాటు బెనిఫిట్ షోల‌కు తెలంగాణ‌లో అనుమ‌తి రాలేదు. దాంతో రెగ్యుల‌ర్ ధ‌ర‌ల‌తోనే ఈ సినిమా రిలీజైంది. తొలిరోజు నైజాంలో ఏడున్న‌ర కోట్ల వ‌ర‌కు మాత్ర‌మే వ‌సూళ్ల‌ను ద‌క్కించుకుంది.
ప‌వ‌న్ మ్యాన‌రిజ‌మ్స్‌...
యాక్ష‌న్ ఎంట‌ర్‌టైన‌ర్‌గా ద‌ర్శ‌కుడు హ‌రీష్ శంక‌ర్ ఈ సినిమాను తెర‌కెక్కించారు. ప‌వ‌న్ క‌ళ్యాణ్ యాక్టింగ్‌, కామెడీ టైమింగ్‌, డైలాగ్స్ తో పాటు పాత సినిమాల రిఫ‌రెన్స్‌లు అభిమానుల‌ను ఆక‌ట్టుకుంటున్నాయి. కానీ కాన్సెప్ట్ ఔట్‌డేటెడ్ అనే విమ‌ర్శ‌లు వినిపిస్తున్నాయి.
ఉస్తాద్ భ‌గ‌త్‌సింగ్ మూవీలో శ్రీలీల‌, రాశీఖ‌న్నా హీరోయిన్లుగా న‌టించారు. దేవిశ్రీప్ర‌సాద్‌, త‌మ‌న్ మ్యూజిక్ అందించారు.