Ustaad Bhagat Singh OTT | ఉస్తాద్‌భ‌గ‌త్‌సింగ్ ఓటీటీ ప్లాట్‌ఫామ్ ఇదే – స్ట్రీమింగ్ డేట్ చెప్పేసిన‌ ప్రొడ్యూస‌ర్‌

Ustaad Bhagat Singh OTT | మార్చిలో పెద్ద సినిమాలు లేక వెల‌వెల‌బోయిన టాలీవుడ్ బాక్సాఫీస్ ఉస్తాద్ భ‌గ‌త్‌సింగ్‌తో మ‌ళ్లీ క‌ళ‌క‌ళ‌లాడింది. ప‌వ‌న్ క‌ళ్యాణ్ హీరోగా న‌టించిన ఈ మూవీ ఉగాది సంద‌ర్భంగా గురువారం ప్రేక్ష‌కుల ముందుకొచ్చింది. హ‌రీష్ శంక‌ర్ ద‌ర్శ‌క‌త్వం వ‌హించిన ఈ మూవీ తొలి రోజు మిక్స్‌డ్ టాక్‌ను సొంతం చేసుకుంది. అయితే ఈ టాక్‌తో సంబంధం లేకుండా ఉస్తాద్ ఫ‌స్ట్ డే బాక్సాఫీస్ వ‌ద్ద రికార్డు క‌లెక్ష‌న్స్ రాబ‌ట్ట‌డం ఖాయ‌మ‌ని ట్రేడ్ వ‌ర్గాలు చెబుతోన్నాయి. ప‌వ‌న్ క‌ళ్యాణ్ కెరీర్‌లోనే హ‌య్యెస్ట్ ఓపెనింగ్స్ సాధించే మూవీగా ఉస్తాద్ నిలిచే అవ‌కాశం ఉంద‌ని అంటున్నారు.

నెట్‌ఫ్లిక్స్‌...

కాగా ఉస్తాద్ భ‌గ‌త్‌సింగ్ ఓటీటీ ప్లాట్‌ఫామ్ క‌న్ఫామ్ అయ్యింది. ఈ సినిమా ఓటీటీ హ‌క్కుల‌ను థియేట్రిక‌ల్ రిలీజ్‌కు ముందే నెట్‌ఫ్లిక్స్ సొంతం చేసుకుంది. ఎన‌భై కోట్ల‌కు డిజిట‌ల్ రైట్స్ అమ్ముడుపోయిన‌ట్లు వార్త‌లొచ్చాయి. కాగా థియేట‌ర్ల‌లో రిలీజైన నెల రోజుల త‌ర్వాత ఉస్తాద్ భ‌గ‌త్‌సింగ్ ఓటీటీలోకి రాబోతుంది. ఈ సినిమా స్ట్రీమింగ్ డేట్‌ను నిర్మాత రివీల్ చేశారు. ఏప్రిల్ 24న నెట్‌ఫ్లిక్స్‌లో ఈ మూవీ రిలీజ్ కాబోతున్న‌ట్లు ప్ర‌క‌టించారు.

ప‌వ‌న్ మ్యాన‌రిజ‌మ్స్‌, డైలాగ్స్‌...

ఉస్తాద్ భ‌గ‌త్‌సింగ్ మూవీలో ప‌వ‌న్ క‌ళ్యాణ్ స‌ర‌స‌న శ్రీలీల‌, రాశీఖ‌న్నా హీరోయిన్లుగా న‌టించారు. దేవిశ్రీప్ర‌సాద్‌, త‌మ‌న్ మ్యూజిక్ అందించారు.
ప‌వ‌న్ క‌ళ్యాణ్ ఇమేజ్‌, స్టార్‌డ‌మ్‌ను న‌మ్ముకొని క‌మ‌ర్షియ‌ల్ యాక్ష‌న్‌ ఎంట‌ర్‌టైన‌ర్‌గా ద‌ర్శ‌కుడు హ‌రీష్ శంక‌ర్ ఈ సినిమాను తెర‌కెక్కించారు. ఈ సినిమాలో ఉస్తాద్ భ‌గ‌త్‌సింగ్ అనే పోలీస్ ఆఫీస‌ర్ పాత్ర‌లో ప‌వ‌న్ మ్యాన‌రిజ‌మ్స్‌, ఆయ‌న డైలాగ్స్‌, హీరోయిజం అభిమానుల‌ను ఆక‌ట్టుకుంటున్నాయి. పాత సినిమాల తాలూకు రిఫ‌రెన్స్‌లు బాగున్నాయ‌నే కామెంట్స్ వినిపిస్తున్నాయి. కానీ క‌థ, క‌థ‌నాల్లో కొత్త‌ద‌నం లేద‌నే విమ‌ర్శ‌లు కూడా వ‌స్తున్నాయి.