Trisha | పొలిటిక‌ల్ లీడ‌ర్‌గా త్రిష – రియ‌ల్ లైఫ్‌లో కాదు రీల్ లైఫ్‌లో…

Trisha | రాజ‌కీయాల్లోకి త్రిష అరంగేట్రం చేయ‌బోతుంది. పాలిటిక్స్‌లో త‌న ప‌వ‌ర్‌ను చూపించేందుకు రెడీ అయ్యింది. అయితే రియ‌ల్ లైఫ్‌లో కాదు. రీల్ లైఫ్‌లో. ఓ తెలుగు వెబ్‌సిరీస్‌లో త్రిష పొలిటిక‌ల్ లీడ‌ర్ పాత్ర‌లో క‌నిపించ‌బోతున్న‌ట్లు ప్ర‌చారం జ‌రుగుతోంది.

క‌రుప్పు త‌ర్వాత‌...

త్రిష హీరోయిన్‌గా న‌టించిన త‌మిళ‌ మూవీ క‌రుప్పు ఇటీవ‌లే థియేట‌ర్ల‌లో రిలీజై బిగ్గెస్ట్ హిట్‌గా నిలిచింది. మూడు వంద‌ల కోట్ల‌కుపైగా వ‌సూళ్ల‌ను ద‌క్కించుకుంది. క‌రుప్పు త‌ర్వాత ప‌లువురు స్టార్ హీరోల సినిమాల్లో త్రిష‌కు ఆఫ‌ర్లు వ‌చ్చాయి. వాటిని కాద‌నుకొని త్రిష తెలుగులో ఓ వెబ్‌సిరీస్‌కు గ్రీన్‌సిగ్న‌ల్ ఇచ్చిన‌ట్లు స‌మాచారం.

రాజ‌కీయ చంద‌రంగంలో...

త్రిష లీడ్ రోల్‌లో తెలుగులో ఓ పొలిటిక‌ల్ యాక్ష‌న్ థ్రిల్ల‌ర్ వెబ్‌సిరీస్ రాబోతున్న‌ట్లు స‌మాచారం. ఈ సిరీస్‌లో రాజ‌కీయ నాయ‌కురాలిగా త్రిష క‌నిపించ‌బోతున్న‌ట్లు ప్ర‌చారం జ‌రుగుతోంది. రాజ‌కీయ చ‌ద‌రంగంలో త‌న‌కు ఎదురైన ఆటుపోట్ల‌ను ఓ లేడీ పొలిటీషియ‌న్ ఎలా ఎదుర్కొంద‌నే అంశాల‌తో ఈ సిరీస్ తెర‌కెక్కుతోన్న‌ట్లు వార్త‌లు వినిపిస్తున్నాయి.

మా ఇంటి బంగారం...

ఇటీవ‌లే మా ఇంటి బంగారం సినిమాతో స‌మంత‌కు హిట్టు ఇచ్చిన డైరెక్ట‌న్ నందిని రెడ్డి ఈ వెబ్‌సిరీస్‌కు ద‌ర్శ‌క‌త్వం వ‌హించ‌బోతున్న‌ట్లు చెబుతున్నారు. వాస్త‌వ ఘ‌ట‌న‌ల‌కు ఫిక్ష‌న‌ల్ అంశాల‌ను జోడించి నందిని రెడ్డి అండ్ టీమ్ క‌థ‌ను సిద్దం చేసిన‌ట్లు స‌మాచారం. దాదాపు 30 కోట్ల బ‌డ్జెట్‌తో ఈ సిరీస్ రూపొంద‌నున్న‌ట్లు టాలీవుడ్ వ‌ర్గాల్లో టాక్ వినిపిస్తోంది.. త్రిష‌, నందిని రెడ్డి వెబ్‌సిరీస్ హ‌క్కుల‌ను అమెజాన్ ప్రైమ్ వీడియో ద‌క్కించుకుంది. వ‌చ్చే ఏడాది ద్వితీయార్థంలో రిలీజ్ కానున్న‌ట్లు చెబుతున్నారు.

విజ‌య్ టీవీకే పార్టీలో...

త్రిష పాలిటిక్స్‌లోకి ఎంట్రీ ఇవ్వ‌బోతున్న‌ట్లు గ‌త కొంత‌కాలంగా ప్ర‌చారం జ‌రుగుతోంది. ద‌ళ‌ప‌తి విజ‌య్ టీవీకే పార్టీలో ఆమె జాయిన‌య్యే అవ‌కాశం ఉంద‌ని అంటున్నారు. ఈ రూమ‌ర్ల న‌డుమ త్రిష పొలిటిక‌ల్ లీడ‌ర్ పాత్ర‌లో న‌టించ‌బోతుండ‌టం ఆస‌క్తిక‌రంగా మారింది.

విశ్వంభ‌ర‌

త్రిష హీరోయిన్‌గా న‌టించిన తెలుగు మూవీ విశ్వంభ‌ర ఈ ఏడాది ద‌స‌రాకు ప్రేక్ష‌కుల ముందుకు రాబోతుంది. చిరంజీవి హీరోగా న‌టించిన ఈ మూవీకి వ‌శిష్ట మ‌ల్లిడి ద‌ర్శ‌క‌త్వం వ‌హించారు.