Trisha | ద‌ళ‌ప‌తి విజ‌య్ కోసం రంగంలోకి త్రిష – టీవీకే పార్టీ త‌ర‌ఫున ఎన్నిక‌ల‌ ప్ర‌చారం?

Trisha | అగ్ర హీరో ద‌ళ‌ప‌తి విజ‌య్‌, చెన్నై క్వీన్ త్రిష త్వ‌ర‌లోనే పెళ్లిపీట‌లు ఎక్క‌బోతున్న‌ట్లు కోలీవుడ్‌లో వ‌ర్గాల్లో ప్ర‌చారం జ‌రుగుతోంది. భార్య సంగీత‌కు విడాకులు ఇచ్చి త్రిష మెడ‌లో విజ‌య్ మూడుముళ్లు వేయ‌బోతున్నాడ‌ని అంటున్నారు. ఇటీవ‌లే ఓ నిర్మాత కొడుకు రిసెప్ష‌న్‌కు వీరిద్ద‌రు జంట‌గా హాజ‌రుకావ‌డంతో పెళ్లి వార్త‌లు తెర‌పైకి వ‌చ్చాయి. అయితే ఈ రూమ‌ర్ల‌పై విజ‌య్‌తో పాటు త్రిష మాత్రం సైలెంట్‌గా ఉంటున్నారు. మ‌రోవైపు విజ‌య్‌, త్రిష బంధంపై చాలానే విమ‌ర్శ‌లు వ‌స్తోన్నాయి. కొంత మంది సినీ ప్ర‌ముఖులు మాత్రం అది వారి వ్య‌క్తిగ‌త విషయ‌మ‌ని, ఇత‌రుల జోక్యం అన‌వ‌స‌రం అంటూ కామెంట్స్ చేస్తుండ‌గా.. చాలా మంది త‌ప్పుప‌డుతున్నారు. విజ‌య్, సంగీత వైవాహిక జీవితం విడాకుల వ‌ర‌కు వెళ్ల‌డానికి త్రిష‌నే కార‌ణ‌మంటూ ఆమెను ట్రోల్ చేస్తున్నారు.

ఎన్నిక‌ల‌తో బిజీ....

ఏప్రిల్‌లో జ‌రుగ‌నున్న త‌మిళ‌నాడు అసెంబ్లీ ఎన్నిక‌ల ప్ర‌చారంతో ద‌ళ‌ప‌తి విజ‌య్ ఫుల్ బిజీగా ఉన్నారు. టీవీకే పార్టీని స్థాపించిన విజ‌య్ తొలిసారి ఎన్నిక‌ల్లో పోటీ చేయ‌బోతున్నారు. త‌మిళ‌నాడులోని దాదాపు అన్ని అసెంబ్లీ స్థానాల్లో విజ‌య్ పార్టీ బ‌రిలో నిల‌వ‌బోతుంది. విజ‌య్ రాజ‌కీయ భ‌విష్య‌త్తు ఈ ఎన్నిక‌ల ఫ‌లితాల‌పైనే ఆధార‌ప‌డింది.

త్రిష ప్ర‌చారం...

టీవీకే పార్టీ త‌ర‌ఫున విజ‌య్ చెన్నై నుంచి పోటీ చేయ‌బోతున్నాడు. విజ‌య్‌కి స‌పోర్ట్‌గా త్రిష ఎన్నిక‌ల ప్ర‌చారంలో పాల్గొన‌నుంద‌ని అంటున్నారు. తొలుత త్రిష కూడా టీవీకే పార్టీ నుంచి ఎన్నిక‌ల బ‌రిలో నిల‌వ‌నుంద‌ని వార్త‌లొచ్చాయి. కానీ త్రిషకు టికెట్ ఇస్తే పార్టీ నుంచి వ్య‌తిరేక‌త వ‌చ్చే అవ‌కాశం ఉండ‌టంతోనే చివ‌రి నిమిషంలో ఆ నిర్ణ‌యాన్ని విజ‌య్‌ వాయిదావేసిన‌ట్లు చెబుతున్నారు. ఎన్నిక‌ల ప్ర‌చారంలో మాత్రం త్రిష సేవలను మాత్రం వినియోగించుకోబోతున్నాడట విజయ్. తమిళనాడులోని ద‌క్షిణాది జిల్లాలైనా తూత్‌కూడి, తేన్ కాశీతో పాటు మ‌రికొన్ని ప్రాంతాల్లో త్రిష‌కు భారీగా ఫ్యాన్ ఫాలోయింగ్ ఉంది. ఆ ప్రాంతాల్లోని టీవీకే అభ్య‌ర్థుల త‌ర‌ఫున త్రిష ప్ర‌చారం చేయ‌డ‌మే కాకుండా ర్యాలీల్లో పాల్గొన‌నుంద‌ని చెబుతున్నారు. త్రిష మాత్ర‌మే కాకుండా మ‌రికొంద‌రు సినీ ప్ర‌ముఖులు కూడా విజ‌య్ పార్టీకి స‌పోర్ట్‌గా ఈ ఎన్నిక‌ల ప్ర‌చారంలో పాల్గొన‌బోతున్న‌ట్లు చెబుతున్నారు.