Trisha | జ‌న‌నాయ‌గ‌న్ డైరెక్ట‌ర్‌తో త్రిష మూవీ – షూటింగ్ పూర్త‌యిన ప‌న్నెండేళ్ల త‌ర్వాత థియేట‌ర్ల‌లో రిలీజ్‌

Trisha | ఎంత పెద్ద భారీ బ‌డ్జెట్ సినిమా అయినా షూటింగ్ పూర్త‌యిన ఆరు నెల‌ల్లోపే థియేట‌ర్ల‌లోకి వ‌స్తుంటాయి. కొన్ని సార్లు ఆ గ్యాప్ ఏడాది వ‌ర‌కు ఉండొచ్చు. కానీ త్రిష హీరోయిన్‌గా న‌టించిన ఓ మూవీ మాత్రం షూటింగ్ పూర్త‌యిన ప‌న్నెండేళ్ల గ్యాప్ త‌ర్వాత థియేట‌ర్ల‌లో రిలీజ్ కాబోతుంది.

క్రైమ్ థ్రిల్ల‌ర్ మూవీ...

అర‌వింద్ స్వామి, త్రిష హీరోహీరోయిన్లుగా 2014లో శ‌తురంగ వెట్టై 2 పేరుతో ఓ క్రైమ్ థ్రిల్ల‌ర్ మూవీ రూపొందింది. ఈ సినిమాకు జ‌న‌నాయ‌గ‌న్ ఫేమ్ హెచ్ వినోథ్ క‌థ‌ను అందించారు. ఆర్‌వీ నిర్మ‌ల్ కుమార్ ద‌ర్శ‌క‌త్వం వ‌హించాడు. హెచ్ వినోథ్ తొలి సినిమా శ‌తురంగ వెట్టైకి సీక్వెల్‌గా ఈ త‌మిళ సినిమా రూపొందింది. వ‌రుస స‌క్సెస్‌ల‌తో జోరుమీదున్న టైమ్‌లో త్రిష చేసిన ఈ సినిమాపై త‌మిళ‌నాట భారీగానే అంచ‌నాలు ఏర్ప‌డ్డాయి. 2014లోనే ఈ సినిమా రిలీజ్ కావాల్సింది. ప్ర‌మోష‌న్స్ కూడా చేశారు. టీజ‌ర్‌, ట్రైల‌ర్‌ల‌ను రిలీజ్ చేశారు.

క‌మెడియ‌న్‌...

శ‌తురంగ వెట్టై 2 సినిమాకు త‌మిళ క‌మెడియ‌న్ మ‌నోబాల నిర్మాత‌గా వ్య‌వ‌హ‌రించారు. రిలీజ్ ముంగిట ఈ సినిమాకు ఫైనాన్షియ‌ల్ ఇష్యూస్‌ ఎదుర‌వ్వ‌డంతో చాలా ఏళ్లుగా రిలీజ్ కు నోచుకోలేదు.. ఈ స‌మ‌స్య‌ల‌ను ప‌రిష్క‌రించి సినిమాను విడుద‌ల‌ చేయాల‌ని మ‌నోబాల గ‌ట్టిగానే ప్ర‌య‌త్నాలు చేశారు. కానీ కుద‌ర‌లేదు. త్రిష కెరీర్‌లో అన్‌రిలీజ్‌డ్ మూవీస్ లిస్ట్‌లో శ‌తురంగ వెట్టై 2 చేరింది.

త్వ‌ర‌లో థియేట‌ర్ల‌లోకి...

ప‌న్నెండేళ్ల క్రితం షూటింగ్‌ను పూర్తిచేసుకున్న ఈ సినిమా ఇప్పుడు థియేట‌ర్ల‌లోకి రాబోతుంది. శ‌తురంగ వెట్టై 2ను రిలీజ్ చేసేందుకు ప్ర‌య‌త్నాలు జ‌రుగుతోన్నాయ‌ట‌. త్రిష క్రేజ్‌తో ఈ మూవీకి క‌లిసిరావ‌చ్చున‌ని ప్ర‌చారం జ‌రుగుతోంది. సినిమాకు కొన్ని కొత్త సీన్ల‌ను యాడ్ చేయ‌బోతున్నార‌ట‌. త్వ‌ర‌లోనే శ‌తురంగ వెట్టై 2 రిలీజ్ డేట్‌ను అఫీషియ‌ల్‌గా ప్ర‌క‌టించ‌బోతున్నార‌ట‌.