Pawan Kalyan | టాలీవుడ్ హీరోల‌పై ప‌వ‌న్ క‌ళ్యాణ్ ఫ్యాన్స్ ఫైర్ – కార‌ణ‌మిదే?

Pawan Kalyan |  ర‌ణ‌వీర్‌సింగ్ హీరోగా న‌టించిన ధురంధ‌ర్ 2 మూవీ బాక్సాఫీస్ వ‌ద్ద అద‌ర‌గొడుతోంది. బాలీవుడ్‌, టాలీవుడ్ అనే తేడాలు లేకుండా అన్ని భాష‌ల ఆడియెన్స్‌ను ఈ మూవీ మెప్పిస్తోంది. సినీ ల‌వ‌ర్స్ మాత్ర‌మే కాకుండా స్టార్ హీరోలు, డైరెక్ట‌ర్లు సైతం ఈ సినిమాపై ప్ర‌శంస‌లు కురిపిస్తున్నారు. ర‌ణ‌వీర్‌సింగ్ యాక్టింగ్‌, ఆదిత్య ధ‌ర్ టేకింగ్‌పై అద్భుత‌మంటూ కామెంట్లు పెడుతోన్నారు.

మ‌హేష్ బాబు...అల్లు అర్జున్‌...

టాలీవుడ్ స్టార్ హీరోలు కూడా ధురంధ‌ర్ 2 మూవీకి ఫిదా అయ్యారు. మ‌హేష్‌బాబు, అల్లు అర్జున్‌, విజ‌య్ దేవ‌ర‌కొండ, ఎన్టీఆర్ వంటి హీరోలు ధురంధ‌ర్ 2పై సినిమాను చూడ‌ట‌మే కాకుండా ర‌ణ‌వీర్‌సింగ్ యాక్టింగ్‌, ఆదిత్య ధ‌ర్ టేకింగ్‌, మేకింగ్ నెక్స్ట్ లెవ‌ల్ అంటూ ట్వీట్స్ చేశారు. ఇలాంటి క‌థ‌తో సినిమా చేసిన ద‌ర్శ‌కుడి విజ‌న్‌, ధైర్యానికి హ్యాట్సాఫ్‌ అంటూ అభినంద‌న‌ల‌తో ముంచెత్తారు.

ఉస్తాద్‌ను ప‌ట్టించుకోలేదా?

ధురంధ‌ర్ 2తో పాటు గురువారం ప‌వ‌న్ క‌ళ్యాణ్ ఉస్తాద్ భ‌గ‌త్‌సింగ్ మూవీ కూడా రిలీజైంది. అయితే ఈ సినిమాపై ఒక్క తెలుగు హీరో కూడా పాజిటివ్‌గా ట్వీట్ వేయ‌లేదు. ఈ సినిమా బాగుంద‌నో, చూశామ‌నో పోస్ట్‌లు పెట్ట‌లేదు. దాంతో ప‌వ‌ర్ స్టార్ ఫ్యాన్స్ టాలీవుడ్ హీరోల‌పై ఫైర్ అవుతున్నారు. బాలీవుడ్ మూవీని తెగ పొగుడుతూ తెలుగు హీరో సినిమాను ...అందులోనూ ప‌వ‌న్ క‌ళ్యాణ్ మూవీని ప‌ట్టించుకోక‌పోవ‌డం దారుణ‌మ‌ని అంటున్నారు.

బెనిఫిట్ షోల‌కు కావాలి...

సినిమా టికెట్ ధ‌ర‌ల‌కు, బెనిఫిట్ షోల‌కు మాత్రం ప‌వ‌న్ కావాలి...కానీ అత‌డి సినిమా రిలీజ్ అయితే మాత్రం చూడ‌టానికి వారికి టైమ్ దొర‌క‌డం లేదా అంటూ ట్రోల్ చేస్తున్నారు. ప‌వ‌న్ ఫ్యాన్స్ ట్వీట్స్ వైర‌ల్ అవుతోన్నాయి.
ప‌వ‌న్ క‌ళ్యాణ్ సినిమా గురించి కూడా పోస్ట్‌లు, ట్వీట్స్ పెడితే బాగుండేద‌ని అంటున్నారు.
ఉస్తాద్ భ‌గ‌త్‌సింగ్ మూవీ తొలిరోజు మిక్స్‌డ్ టాక్‌ను సొంతం చేసుకుంది. యాక్ష‌న్ ఎంట‌ర్‌టైన‌ర్‌గా రూపొందిన ఈ మూవీకి హ‌రీష్ శంక‌ర్ ద‌ర్శ‌క‌త్వం వ‌హించాడు. శ్రీలీల‌, రాశీఖ‌న్నా హీరోయిన్లుగా న‌టించారు. క‌థ‌లో కొత్త‌ద‌నం లేక‌పోయినా ప‌వ‌న్ క‌ళ్యాణ్ మ్యాన‌రిజ‌మ్స్‌, డైలాగ్స్ అభిమానుల‌ను ఆక‌ట్టుకుంటున్నాయి.