Reba Monica John | త‌ల్లి కాబోతున్న శ్రీవిష్ణు హీరోయిన్ – బేబీ బంప్ ఫొటోల‌తో గుడ్‌న్యూస్‌…

Reba Monica John | టాలీవుడ్ హీరోయిన్ రెబా మోనికా జాన్ గుడ్‌న్యూస్ వినిపించింది. త‌ల్లికాబోతున్నానంటూ సోష‌ల్ మీడియాలో పోస్ట్ పెట్టింది. మ‌ల‌యాళ సినిమాల‌తో కెరీర్ ప్రారంభించిన రెబా మోనికా జాన్ సామ‌జ‌వ‌ర‌గ‌మ‌నా మూవీతో టాలీవుడ్‌లోకి ఎంట్రీ ఇచ్చింది. ఇటీవ‌లే మృత్యుంజ‌య్ సినిమాలో పోలీస్ ఆఫీస‌ర్‌గా ఛాలెంజింగ్ రోల్‌లో క‌నిపించింది. మ్యాడ్ స్క్వేర్‌లో స్వాతి రెడ్డి పాట‌లో త‌న స్టెప్పుల‌తో అద‌ర‌గొట్టింది ఈ బ్యూటీ.

బేబీ బంప్ ఫొటోల‌తో

తాజాగా త‌న వ్య‌క్తిగ‌త జీవితానికి సంబంధించి రెబా మోనికా జాన్ పెట్టిన ఓ పోస్ట్ వైర‌ల్ అవుతోంది. తాను త‌ల్లిగా ప్ర‌మోష‌న్ పొందుతున్న‌ట్లు చెప్పింది. భ‌ర్త జోమాన్ జోసెఫ్‌తో క‌లిసి దిగిన బేబీ బంప్ ఫొటోల‌ను అభిమానుల‌తో పంచుతుంది. త‌మ జీవితంలోకి కొత్త అతిథి రాబోతున్నాడ‌ని, ఇద్ద‌రిగా ఉన్న త‌మ కుటుంబం ముగ్గురిగా మార‌బోతున్న‌ట్లు ప్ర‌క‌టించింది.

నాలుగేళ్ల త‌ర్వాత‌...

బిజినెస్‌మెన్ అయిన జోమాన్ జోసెఫ్‌ను 2022లో పెళ్లి చేసుకుంది రెబా మోనికా జాన్‌. పెళ్లైన నాలుగేళ్ల త‌ర్వాత ఈ జంట త‌ల్లిదండ్రులుగా మార‌బోతున్నారు. పెళ్లికి ముందు జోమ‌న్ జోసెఫ్‌తో మూడేళ్ల పాటు ప్రేమ‌లో ఉంది రెబా. 2021లో రెబాకు త‌న ప్రేమ‌ను వ్య‌క్తం చేస్తూ సోష‌ల్ మీడియాలో ఓ పోస్ట్ పెట్టారు జోమ‌న్‌. పెద్ద‌ల అంగీకారంతో ఆ త‌ర్వాతే ఏడాదే పెళ్లి చేసుకున్నారు.
వినీత్ శ్రీనివాస‌న్‌, నివీన్ పాల్ హీరోలుగా న‌టించిన మ‌ల‌యాళం మూవీ జాక‌బింతే స్వ‌ర్గ‌రాజ్యం రెబా మోనికా జాన్ యాక్టింగ్ కెరీర్ మొద‌లైంది. ప్ర‌ణ‌యం, ఫోరెన్సిక్‌తో పాటు మ‌రికొన్ని మ‌ల‌యాళ సినిమాల్లో డిఫ‌రెంట్ రోల్స్ చేసింది. త‌మిళంలో ద‌ళ‌ప‌తి విజ‌య్ బిగిల్‌లో యాసిడ్ బాధితురాలిగా అస‌మాన న‌ట‌న‌తో మెప్పించింది. విజ‌య్ జ‌న‌నాయ‌గ‌న్‌లో రెబా మోనికా జాన్ ఓ కీల‌క పాత్ర పోషించింది. త్వ‌ర‌లో ఈ మూవీ ప్రేక్ష‌కుల ముందుకు రాబోతుంది.