Trisha | ద‌ళ‌ప‌తి విజ‌య్ విజ‌య్ మీటింగ్ – త్రిష షూటింగ్ – ఇద్ద‌రూ లండ‌న్‌లోనే!

Trisha |త‌మిళ‌నాడు సీఎం ద‌ళ‌ప‌తి విజ‌య్‌, చెన్నై క్వీన్ త్రిష లండ‌న్‌లో ఒకే వేదిక మ‌రోసారి క‌లిసి క‌నిపించ‌బోతున్నారా అంటే ఔన‌నే అంటున్నాయి కోలీవుడ్ వ‌ర్గాలు. పెట్టుబ‌డుల సేక‌ర‌ణ నిమిత్తం ద‌ళ‌ప‌తి విజ‌య్ ఇటీవ‌లే లండ‌న్ వెళ్లారు. సీఎంగా బాధ్య‌త‌లు చేప‌ట్టిన త‌ర్వాత తొలి విదేశీ ప‌ర్య‌ట‌న ఇది. సెప్టెంబ‌ర్ 10వ తేదీ నుంచి ప‌ద‌హార‌వ తేదీ వ‌ర‌కు లండ‌న్‌లోనే ప‌లువురు పారిశ్రామిక వేత్త‌ల‌తో స‌మావేశం కానున్నారు. మ‌రోవైపు చెన్నై క్వీన్ త్రిష కూడా లండ‌న్‌లోనే ఉంది. ఇటీవ‌లే త్రిష హీరోయిన్‌గా ఓ సైక‌లాజిక‌ల్ హార‌ర్ మూవీ ప్రారంభ‌మైంది. ఈ సినిమా షూటింగ్ ప్ర‌స్తుతం లండ‌న్‌లో జ‌రుగుతుంది.

మోట‌ర్ రేసింగ్ పోటీ

విజ‌య్‌, త్రిష క‌లిసి లండ‌న్‌లో ఓ ఈవెంట్‌లో సంద‌డి చేయ‌బోతున్న‌ట్లు స‌మాచారం. గ‌త కొద్ది రోజులుగా త‌మిళ హీరో అజిత్ సినిమాల కంటే మోట‌ర్ రేసింగ్ పోటీల‌పైనే ఎక్కువ‌గా దృష్టిసారిస్తున్నారు. లండ‌న్‌లో శనివారం  జ‌రుగ‌నున్న మిచెలిన్ లీ మాన్స్ క‌ప్ మోటార్ రేసింగ్ పోటీల్లో అజిత్‌ పాల్గొంటున్నాడు. ఈ మోటార్ రేసింగ్ పోటీల‌కు చీఫ్ గెస్ట్‌గా విజ‌య్ అటెండ్ కాబోతున్నారు. గ్రీన్‌ఫ్లాగ్ ఊపి రేస్‌ను ప్రారంభించ‌బోతున్నారు.

ఒకే ఈవెంట్‌...

శనివారం రేసింగ్ పోటీల ఆరంభ వేడుక‌ల‌కు త్రిష కూడా అటెండ్ కానున్న‌ట్లు స‌మాచారం. విదేశాల్లో విజ‌య్, త్రిష ఒకే ఈవెంట్‌లో క‌లిసి క‌నిపించ‌బోతుండ‌టం అభిమానుల్లో ఆస‌క్తిక‌రంగా మారింది. రేసింగ్ పోటీ కోసం స‌న్న‌ద్ధ‌మ‌వుతోన్న అజిత్‌ను శుక్ర‌వారం సీనియ‌ర్ హీరోయిన్ రాధిక శ‌ర‌త్‌కుమార్ క‌లిసింది. ఆమె వెంట త్రిష కూడా ఉన్న‌ట్లు చెబుతోన్నారు. త్రిష‌తో దిగిన ఓ సెల్ఫీ ఫొటోను రాధిక ఇన్‌స్టాగ్రామ్‌లో పోస్ట్ చేసింది.

ప్ర‌మాణ స్వీకారోత్స‌వంలో...

ద‌ళ‌ప‌తి విజ‌య్‌, త్రిష బంధంపై త‌మిళ‌నాట ర‌క‌ర‌కాల పుకార్లు షికారు చేస్తున్నాయి. వీరిద్ద‌రు ప్రేమ‌లో ఉన్నార‌ని, పెళ్లిచేసుకోబోతున్నార‌ని అంటున్నారు. విజ‌య్ సీఎంగా ప్ర‌మాణ స్వీకారోత్స‌వ వేడుక‌లో త్రిష పాల్గొన్న‌ది. అంతే కాకుండా ఇటీవ‌ల త‌మిళ‌నాడు ప్ర‌భుత్వం ఆధ్వ‌ర్యంలో జ‌రిగిన స్వాతంత్య్ర దినోత్స‌వ వేడుక‌ల్లో విజ‌య్ త‌ల్లిదండ్రుల‌తో క‌లిసి త్రిష అటెండ్ కావ‌డం చ‌ర్చ‌నీయాంశంగా మారింది.