Thalapathy Vijay Father | కొత్త కారు కొన్న ద‌ళ‌ప‌తి విజ‌య్ తండ్రి – పెళ్లి రోజు గిఫ్ట్

Thalapathy Vijay Father |  త‌మిళ‌నాడు సీఎం ద‌ళ‌ప‌తి విజ‌య్ తండ్రి కొత్త కారు కొన్నారు. పెళ్లి రోజు సంద‌ర్భంగా ల‌గ్జ‌రీ కారును భార్య‌కు బ‌హుమ‌తిగా ఇచ్చాడు. ద‌ళ‌ప‌తి విజ‌య్ త‌ల్లిదండ్రులు చంద్ర‌శేఖ‌ర్‌, శోభ శ‌నివారం నాడు త‌మ 52వ పెళ్లి రోజును జ‌రుపుకున్నారు. వివాహ వార్షికోత్స‌వాన్ని పుర‌స్క‌రించుకొని భార్య శోభ‌కు చంద్ర‌శేఖ‌ర్ ఓ ల‌గ్జ‌రీ కారును గిఫ్ట్‌గా ఇచ్చారు. బీఎమ్‌డ‌బ్ల్యూ 530 ఐ ఎమ్ స్పోర్ట్స్ సెడాన్ మోడ‌ల్‌కు చెందిన ఈ కారు ధ‌ర కోటి వ‌ర‌కు ఉంటుంది. ఈ కారుతో చంద్ర‌శేఖ‌ర్‌, శోభ దిగిన ఫొటో వైర‌ల్ అవుతోంది.

అగ్ర ద‌ర్శ‌కుల్లో ఒక‌రిగా...

1990 - 2000 ద‌శ‌కంలో కోలీవుడ్‌లో అగ్ర ద‌ర్శ‌కుల్లో ఒక‌రిగా పేరుతెచ్చుకున్నారు ఎస్ ఏ చంద్ర‌శేఖ‌ర్‌. ద‌ళ‌ప‌తి విజ‌య్ కోలీవుడ్‌లో అగ్ర హీరోగా పేరుతెచ్చుకోవ‌డంలో త‌ల్లిదండ్రుల పాత్ర చాలా ఉంది. విజ‌య్‌తో ఇత‌ర ద‌ర్శ‌కులు, నిర్మాత‌లు సినిమాలు చేయ‌క‌పోవ‌డంతో తామే స్వ‌యంగా కొడుకుతో సినిమాలు నిర్మించారు. కెరీర్ ఆరంభంలో విజ‌య్ క‌థానాయ‌కుడిగా న‌టించిన ప‌లు సినిమాల‌కు ఎస్ ఏ చంద్ర‌శేఖ‌ర్ ద‌ర్శ‌క‌త్వం వ‌హిస్తే శోభ క‌థ‌ను అందిస్తూ ఈ సినిమాల‌ను ప్రొడ్యూస్ చేశారు. తండ్రి సినిమాల‌తోనే విజ‌య్ స్టార్‌గా మారాడు.

చిరంజీవితో...

ఎస్ ఏ చంద్ర‌శేఖ‌ర్ త‌మిళంలోనే కాకుండా తెలుగులోనూ చాలా సినిమాల‌కు ద‌ర్శ‌క‌త్వం వ‌హించాడు. చిరంజీవి హీరోగా ద‌ళ‌ప‌తి విజ‌య్ తండ్రి ద‌ర్శ‌క‌త్వంలో రూపొందిన చ‌ట్టానికి క‌ళ్లులేవు, దేవాంత‌కుడు, ప‌ల్లెటూరి మొన‌గాడు బిగ్గెస్ట్ బ్లాక్ బ‌స్ట‌ర్స్‌గా నిలిచాయి. ఇవే కాకుండా దోపిడి దొంగ‌లు, ఇంటికో రుద్ర‌మ్మ‌తో పాటు మ‌రికొన్ని తెలుగు సినిమాల‌కు ఎస్ఏ చంద్ర‌శేఖ‌ర్ డైరెక్ట‌ర్‌గా వ్య‌వ‌హ‌రించాడు.