Tollywood | హీరోగా మారిన తెలుగు యూట్యూబ‌ర్ – ఆస్కార్ విన్న‌ర్‌తో ప్ర‌మోష‌న్స్‌

Tollywood |  యువ‌త త‌మ‌లోని టాలెంట్‌ను ప్ర‌ద‌ర్శించ‌డానికి ప్ర‌స్తుతం సోష‌ల్ మీడియా చ‌క్క‌టి వేదిక‌గా మారింది. సోష‌ల్ మీడియా ద్వారా సినిమాల్లో ఛాన్స్‌లు ద‌క్కించుకున్న‌వాళ్లు చాలా మందే ఉన్నారు. ఇప్పుడు వీరి బాట‌లోనే నిఖిల్ విజ‌యేంద్ర‌సింహా అడుగు వేయ‌బోతున్నాడు. యూట్యూబ‌ర్‌గా, సోష‌ల్ మీడియా ఇన్‌ప్లూయెన్స‌ర్‌గా ఫేమ‌స్ అయిన నిఖిల్ తెలుగులో హీరోగా ఓ సినిమా చేస్తున్నాడు. సంగీత్ పేరుతో తెర‌కెక్కుతోన్న ఈ సినిమా క‌న్న‌డ డైరెక్ట‌ర్ సాధ్‌ఖాన్ ద‌ర్శ‌క‌త్వం వ‌హిస్తున్నారు.

సంగీత్‌...

సంగీత్ మూవీ ఫ‌స్ట్ సింగిల్‌ను శ‌నివారం రిలీజ్ చేశారు. నీ వ‌ల్లే అనే ప‌ల్ల‌వితో సాగిన ఈ పాట‌ను ఆస్కార్ విన్న‌ర్ ఏఆర్ రెహ‌మాన్ రిలీజ్ చేశారు. సిధ్ శ్రీరామ్ పాడిన ఈ పాట‌కు అచ్చు రాజ‌మ‌ణి సంగీతం అందించారు. విక్ర‌మ్ శివ సాహిత్యం స‌మ‌కూర్చారు.

తేజు అశ్విని...

హీరోహీరోయిన్ల మ‌ధ్య‌ ప్రేమను, వారి కెమిస్ట్రీని అందంగా ఆవిష్క‌రిస్తూ ఈ రొమాంటిక్ ల‌వ్ డ్యూయెట్ సాంగ్‌ను చిత్రీక‌రించారు. సంగీత్ సినిమాలు తేజు అశ్విని హీరోయిన్‌గా న‌టిస్తోంది. ప‌లువురు టాలీవుడ్ పాపుల‌ర్ యాక్ట‌ర్లు ఈ సినిమాలో క‌నిపించ‌బోతున్నారు. క‌న్న‌డంలో సాద్‌ఖాన్ తెర‌కెక్కించిన హంబుల్ పొలిటీషియన్ నోగ్రాజ్ మూవీ అనేక అవార్డుల‌ను అందుకుంది. సంగీత్ సినిమాతో సాద్‌ఖాన్ డైరెక్ట‌ర్‌గా టాలీవుడ్‌లోకి ఎంట్రీ ఇవ్వ‌బోతున్నాడు.

బిగ్‌బాస్ 10...

యూట్యూబ్‌లో సెలిబ్రిటీల‌తో ఇంట‌ర్వ్యూలు, పాడ్‌కాస్ట్‌ల‌తో నిఖిల్ ఫేమ‌స్ అయ్యాడు. బిగ్‌బాస్ తెలుగు సీజ‌న్ 10లోకి నిఖిల్ వైల్డ్ కార్డ్ ఎంట్రీగా అడుగుపెట్ట‌బోతున్న‌ట్లు ప్ర‌చారం జ‌రుగుతోంది.