Telugu Serials | తెలుగు సీరియ‌ల్స్ టీఆర్‌పీ రేటింగ్ – గుండె నిండా గుడి గంట‌లు టాప్ – కార్తీక దీపం 2 డౌన్‌

Telugu Serials |  తెలుగు సీరియ‌ల్స్ లేటెస్ట్ టీఆర్‌పీ రేటింగ్స్ వ‌చ్చేశాయి. మ‌రోసారి టాప్ ప్లేస్‌తో స్టార్ మా సీరియ‌ల్స్ అద‌ర‌గొట్టాయి. హ‌య్యెస్ట్ టీఆర్‌పీ సాధించిన టాప్ ఫైవ్ సీరియ‌ల్స్‌లో అన్ని స్టార్ మా ఛాన‌ల్‌వే ఉండ‌టం గ‌మ‌నార్హం. ఆరో ప్లేస్‌లో జీ తెలుగు సీరియ‌ల్ నిలిచింది.

గుండె నిండా గుడి గంట‌లు...

లేటెస్ట్ టీఆర్‌పీలో గుండె నిండా గుడి గంట‌లు ఫ‌స్ట్ ప్లేస్‌లో నిలిచింది. అర్బ‌న్ ఏరియాలో ఈ తెలుగు సీరియ‌ల్ 11. 08 రేటింగ్‌ను ద‌క్కించుకుంది. బాలు - మీనా పాత్ర‌ల కెమిస్ట్రీతో పాటు ఫ్యామిలీ డ్రామా ర‌క్తిక‌ట్ట‌డం గుండె నిండా గుడి గంట‌లు సీరియ‌ల్‌కు ప్ల‌స్ పాయింట్‌గా మారింది. స్టార్ మా సీరియ‌ల్స్‌లో ఇదొక్క‌టే 11 రేటింగ్‌ను దాటింది. మిగిలిన సీరియ‌ల్స్ ఏవీ గుండె నిండా గుడి గంట‌ల‌కు పోటీ ఇవ్వ‌లేక‌పోయాయి.

పొద‌రిల్లు...కార్తీక దీపం 2...

గుండె నిండా గుడి గంట‌లు త‌ర్వాత సెకండ్ ప్లేస్‌ను పొద‌రిల్లు సీరియ‌ల్ సొంతం చేసుకుంది. ఇటీవ‌లే లాంఛ్ అయిన ఈ సీరియ‌ల్ టీఆర్‌పీలో దూసుకుపోతుంది. 10.42 రేటింగ్‌తో కుమ్మేసింది. కార్తీక దీపం 2 మూడో ప్లేస్‌ను ద‌క్కించుకుంది. సీరియ‌ల్ సాగ‌తీత‌గా మార‌డం, ట్విస్ట్‌లు అనుకున్నంత‌గా వ‌ర్క‌వుట్ కాక‌పోవ‌డంతో సీరియ‌ల్ క్రేజ్‌ డౌన్ అవుతూ వ‌స్తోంది. లేటెస్ట్ టీఆర్‌పీలో కార్తీక దీపం 2 9.32 రేటింగ్ వ‌చ్చింది.

జీ తెలుగు నుంచి ఒక్క‌టే...

లేటెస్ట్ రేటింగ్‌లో ఇంటింటి రామాయ‌ణం (8.64 ), ఇల్లు ఇల్లాలు పిల్ల‌లు (8.33 )తో ప‌ర్వాలేద‌నిపించాయి. వీటి త‌ర్వాత ప్లేస్‌లో జీ తెలుగు సీరియ‌ల్ జ‌గ‌ద్దాత్రి నిలిచింది. 8.16 రేటింగ్‌తో బుల్లితెర ప్రేక్ష‌కుల‌ను ఈ సీరియ‌ల్ ఆక‌ట్టుకుంది.