OTT | ప‌ది రోజుల్లోనే ఓటీటీలోకి వ‌చ్చేసిన‌ హెబ్బాప‌టేల్ స‌స్పెన్స్ థ్రిల్ల‌ర్ మూవీ – కాల్ గ‌ర్ల్‌తో లాంగ్ డ్రైవ్ వెళితే…

OTT |  ఫెయిల్యూర్స్‌తో సంబంధం లేకుండా తెలుగులో హీరోయిన్‌గా వ‌రుస అవ‌కాశాలు ద‌క్కించుకుంటోంది హెబ్బాప‌టేల్‌. హిట్టు అందుకొని చాలా ఏళ్లు అయినా ఈ ముద్దుగుమ్మ‌కు ఆఫ‌ర్ల‌కు మాత్రం ఢోకాలేదు. హెబ్బాప‌టేల్ సినిమాలు నెల‌కు ఒక‌టి థియేట‌ర్ల‌లోకి వ‌స్తున్నాయి. హెబ్బాప‌టేల్ క‌థానాయిక‌గా న‌టించిన రేపు ఉద‌యం ప‌ది గంట‌ల‌కు మూవీ మార్చి 14న థియేట‌ర్ల‌లో రిలీజైంది. రెండు వారాలు కూడా కాక‌ముందే ఈ సినిమా ఓటీటీలోకి వ‌చ్చేసింది.

అమెజాన్ ప్రైమ్‌లో...

శుక్ర‌వారం నుంచి అమెజాన్ ప్రైమ్ వీడియోలో రేపు ఉద‌యం ప‌ది గంట‌ల‌కు మూవీ స్ట్రీమింగ్ అవుతోంది. ఎలాంటి ముంద‌స్తు అనౌన్స్‌మెంట్ లేకుండా మేక‌ర్స్ ఈ సినిమాను స‌డెన్‌గా ఓటీటీలో విడుద‌ల‌చేశారు.
స‌స్పెన్స్ థ్రిల్ల‌ర్‌గా తెర‌కెక్కిన ఈ సినిమాలో హెబ్బాప‌టేల్‌తో పాటు చైత‌న్య‌రావు, అభిన‌వ్ గోమ‌ఠం, కిరీటి దామ‌రాజు ప్ర‌ధాన పాత్ర‌ల్లో న‌టించారు. చందు ముద్దు ఈ సినిమాకు ద‌ర్శ‌క‌త్వం వ‌హించారు.

డిజాస్ట‌ర్‌...

లిమిటెడ్ బ‌డ్జెట్‌తో తెర‌కెక్కిన ఈ సినిమా థియేట‌ర్ల‌లో ఆడియెన్స్‌ను మెప్పించ‌లేక‌పోయింది. ఓ సంఘ‌ట‌న కార‌ణంగా ఒక్క రోజులో కొంత మంది వ్య‌క్తుల జీవితాల్లో ఎలాంటి గంద‌ర‌గోళం నెల‌కొంద‌నే అంశాల‌తో ఈ మూవీ తెర‌కెక్కింది.

ఉద‌యం ప‌ది గంట‌ల‌కు...

ర‌ఘు ఓ సాఫ్ట్‌వేర్ ఇంజినీర్‌. ఫోన్‌లో ప‌రిచయ‌మైన కాల్ గర్ల్ దివ్య తో లాంగ్ డ్రైవ్‌కు వెళ‌తాడు. మ‌ల్లేషం అంబులెన్స్ డ్రైవ‌ర్‌. జీవితంలో ఎప్ప‌టికైనా పైకి రావాల‌ని క‌ల‌లు కంటుంటాడు. ఓ డ్ర‌గ్ డీల‌ర్ నుంచి ప‌ది కోట్లు అనుకోకుండా మిస్స‌వుతాయి. ఆ మిస్స‌యిన డ‌బ్బుకు ర‌ఘు, దివ్య‌కు ఉన్న సంబంధమేమిటి? మ‌ల్లేషం అంబులెన్స్ ఎక్కిన ప్రేమ జంట ఎవ‌రు? ఉద‌యం ప‌ది గంట‌ల‌కు వారంద‌రి జీవితాలు ఎలాంటి ట‌ర్నింగ్ తీసుకున్నాయి అనే అంశాల‌తో స‌స్పెన్స్ థ్రిల్ల‌ర్‌గా ఈ మూవీ రూపొందింది.