Telugu OTT | మ‌రో ఓటీటీలోకి వ‌చ్చిన తెలుగు ఫ్యామిలీ డ్రామా మూవీ – పాత‌బ‌స్తీ బ్యాక్‌డ్రాప్‌లో…

Telugu OTT | లేటెస్ట్ తెలుగు మూవీ న‌వాబ్ కేఫ్ మ‌రో ఓటీటీలోకి వ‌చ్చింది. ఇప్ప‌టికే ఈటీవీ విన్ ఓటీటీలో స్ట్రీమింగ్ అవుతోన్న ఈ మూవీ తాజాగా అమెజాన్ ప్రైమ్ వీడియోలో రిలీజైంది. న‌వాబ్ కేఫ్ మూవీలో శివ కందుకూరి, రాజీవ్ క‌న‌కాల కీల‌క పాత్ర‌ల్లో న‌టించారు. తేజు అశ్విని హీరోయిన్‌గా క‌నిపించింది. ప్ర‌మోద్ హ‌ర్ష ద‌ర్శ‌క‌త్వం వ‌హించాడు. పాత‌బ‌స్తీ ఇరానీ చాయ్ బ్యాక్‌డ్రాప్‌లో ఫ్యామిలీ డ్రామాగా తెర‌కెక్కిన న‌వాబ్ కేఫ్ థియేట‌ర్ల‌లో ప్రేక్ష‌కుల‌ను మెప్పించ‌లేక‌పోయింది.

టైటిల్ ఛేంజ్‌...

తొలుత ఈ సినిమాకు చాయ్‌వాలా అనే టైటిల్‌ను ఖ‌రారు చేశారు. కానీ సెన్సార్ అభ్యంత‌రాల కార‌ణంగా రిలీజ్ ముంగిట టైటిల్‌ను న‌వాబ్ కేఫ్‌గా మార్చారు. టైటిల్ మార‌డం కూడా సినిమా రిజ‌ల్ట్‌పై ఎఫెక్ట్ చూపించింది.
న‌వాబ్ కేఫ్ మూవీలో రాజ్‌కుమార్ క‌సిరెడ్డి, చైత‌న్య కృష్ణ కీల‌క పాత్ర‌ల్లో క‌నిపించారు. ప్ర‌శాంత్ ఆర్ విహారి మ్యూజిక్ అందించాడు.

తండ్రీకొడుకుల ఘ‌ర్ష‌ణ‌...

రంగ‌నాథ్ (రాజీవ్ క‌న‌కాల‌) హైద‌రాబాద్‌లోని పాత‌బ‌స్తీలో న‌వాబ్ కేఫ్‌ను ర‌న్ చేస్తుంటాడు. తండ్రి నుంచి వార‌స‌త్వంగా రంగ‌నాథ్‌కు ఆ కేఫ్ వ‌స్తుంది. త‌మ కుటుంబానికి జీవ‌నాధార‌మైన ఆ కేఫ్ అంటే రంగ‌నాథ్‌కు ప్రాణం. రంగ‌నాథ్ కొడుకు రాజా (శివ కందుకూరి)మాత్రం కేఫ్‌లో ప‌నిచేయ‌డానికి ఇష్ట‌ప‌డ‌తాడు. ఆ కేఫ్ అమ్మేసి అమెరికా వెళ్లిపోవాల‌ని అనుకుంటాడు. కేఫ్ అమ్మ‌కం విష‌యంలో తండ్రీ కొడుకుల మ‌ధ్య మ‌న‌స్ప‌ర్థ‌లు మొద‌ల‌వుతాయి. అనుకోకుండా రంగ‌నాథ్ చ‌నిపోతాడు. తండ్రి మ‌ర‌ణం రాజాలో ఎలాంటి మార్పును తీసుకొచ్చింది? న‌వాబ్ కేఫ్‌ను అమ్మేశాడా? తండ్రికి ఇచ్చిన మాట కోసం దానిని న‌డిపించాడా? రాజాకు అండ‌గా నిలిచిన స‌ఖీ (తేజు అశ్విని) ఎవ‌రు? న‌వాబ్ కేఫ్ ద‌క్కించుకోవాల‌ని ప్ర‌య‌త్నించిన కుమార్‌కు రంగ‌నాథ్‌కు ఉన్న సంబంధ‌మేమిటి అన్న‌దే ఈ మూవీ క‌థ‌.