Crime Comedy OTT | ఓటీటీలోకి తెలుగు క్రైమ్ కామెడీ థ్రిల్ల‌ర్ మూవీ – దృశ్యం సినిమాకు మించిన ట్విస్ట్‌ల‌తో…

Crime Comedy OTT | సీనియ‌ర్ హీరో శివాజీ నిర్మాత‌గా మారి తొలి ప్ర‌య‌త్నంగా సాంప్ర‌దాయిని సుప్పిని సుద్ద‌పూస‌ని సినిమాను నిర్మించారు. క్రైమ్ కామెడీగా తెర‌కెక్కిన ఈ సినిమాకు సుధీర్ శ్రీరామ్ ద‌ర్శ‌క‌త్వం వ‌హించాడు. శివాజీతో పాటు ల‌య‌, రోహ‌న్ కీల‌క పాత్ర‌ల్లో న‌టించారు. ఈటీవీ విన్ ఓటీటీతో క‌లిసి శివాజీ సాంప్ర‌దాయిని సుప్పిని సుద్ద‌పూస‌ని సినిమాను నిర్మించారు. మార్చి ఫ‌స్ట్ వీక్‌లో థియేట‌ర్ల‌లో రిలీజైన ఈ మూవీ ప్రేక్ష‌కుల‌ను మెప్పించ‌లేక‌పోయింది.

ఈటీవీ విన్ సినిమా నెట్‌ఫ్లిక్స్‌లో...

తాజాగా సాంప్ర‌దాయిని సుప్పిని సుద్ద‌పూస‌ని మూవీ ఓటీటీ రిలీజ్ డేట్‌, ప్లాట్‌ఫామ్ రివీల‌య్యాయి. ఏప్రిల్ 3 నుంచి నెట్‌ఫ్లిక్స్‌లో స్ట్రీమింగ్ కాబోతుంది. ఈటీవీ విన్ ఓటీటీ నిర్మించిన ఈ క్రైమ్ కామెడీ సినిమా నెట్‌ఫ్లిక్స్‌లో రిలీజ్ కాబోతుండ‌టం ఆస‌క్తిక‌రంగా మారింది.

అనిల్ రావిపూడి స‌ల‌హా...

సాంప్ర‌దాయిని సుప్పిని సుద్ద‌పూస‌ని సినిమాను ఓటీటీ కోస‌మే నిర్మించారు. రిలీజ్ డేట్‌ను కూడా అనౌన్స్‌చేశారు. కానీ అనిల్ రావిపూడి స‌ల‌హాతో మేక‌ర్స్ త‌మ నిర్ణ‌యాన్ని మార్చుకొని థియేట‌ర్ల‌లో రిలీజ్ చేశారు. ట్రైల‌ర్‌, టీజ‌ర్‌తో ఆడియెన్స్‌లో ఆస‌క్తిని రేకెత్తించిన ఈ మూవీ ప్రేక్ష‌కుల‌ను ఆక‌ట్టుకోలేక‌పోయింది. తాను అనుకున్న కాన్సెప్ట్‌ను ఆస‌క్తిక‌రంగా చెప్ప‌డంలో ద‌ర్శ‌కుడు త‌డ‌బ‌డ్డాడ‌నే విమ‌ర్శ‌లు వ‌చ్చాయి.

శ్రీరామ్ క‌ష్టాలు...

శ్రీరామ్ పంచాయ‌తీ కార్య‌ద‌ర్శిగా ప‌నిచేస్తుంటాడు. నిజాయితీప‌రుడిగా పేరు తెచ్చుకుంటాడు. భార్య ఉత్త‌ర (ల‌య‌)తో పాటు కొడుకు బిట్టు (రోహ‌న్‌) ల‌ది మాత్రం శ్రీరామ్‌కు భిన్న‌మైన మ‌న‌స్త‌త్వం. ఎస్ఐ విక్ర‌మ్ వాసుదేవ్‌తో (ప్రిన్స్‌) శ్రీరామ్‌కు గొడ‌వ‌లు ఉంటాయి. అనుకోకుండా శ్రీరామ్ ఇంట్లోనే అత‌డి కొడుకు బిట్టు చేతిలో ఎస్ఐ విక్ర‌మ్ చ‌నిపోతాడు. ఆ డెడ్‌బాడీని ముగ్గురు క‌లిసి మాయం చేయాల‌ని అనుకుంటారు. ఆ త‌ర్వాత ఏమైంది? లోక‌ల్ ఎమ్మెల్యే తిమ్మ‌ప్ప ద‌గ్గ‌ర నుంచి మిస్స‌యిన కోటి రూపాయ‌ల బ్యాగ్ శ్రీరామ్ ద‌గ్గ‌ర‌కు ఎలా చేరింది? ఎస్ఐ విక్ర‌మ్ హ‌త్య వెన‌కున్న అస‌లు ట్విస్ట్ ఎలా బ‌య‌ట‌ప‌డింది అన్న‌దే ఈ మూవీ క‌థ‌. గ‌తంలో శివాజీ, ల‌య కాంబినేష‌న్‌లో మిస్స‌మ్మ‌, టాటా బిర్లా మ‌ధ్య‌లో లైలా, అదిరింద‌య్య చంద్రంతో పాటు మ‌రో మూడు సినిమాలు వ‌చ్చాయి.