Naga Bandham OTT |ఇర‌వై రోజుల్లోనే ఓటీటీలోకి న‌భా న‌టేష్‌ తెలుగు మైథ‌లాజిక‌ల్ అడ్వెంచ‌ర్ మూవీ

తెలుగు మైథ‌లాజిక‌ల్ అడ్వెంచ‌ర్ థ్రిల్ల‌ర్ మూవీ నాగ‌బంధం థియేట‌ర్ల‌లో రిలీజైన ఇర‌వై రోజుల్లోనే ఓటీటీలోకి రాబోతుంది. విరాట్ క‌ర్ణ హీరోగా న‌టించిన ఈ మూవీలో న‌భా న‌టేష్‌, ఐశ్వ‌ర్య మీన‌న్ హీరోయిన్లుగా న‌టించారు. అన‌సూయ‌, జ‌గ‌ప‌తిబాబు, రామ‌చంద్ర‌రాజు కీల‌క పాత్ర‌ల్లో న‌టించారు. దాదాపు వంద కోట్ల బ‌డ్జెట్‌తో రూపొందిన ఈ మూవీకి అభిషేక్ నామా ద‌ర్శ‌క‌త్వం వ‌హించాడు.

మైథ‌లాజిక‌ల్ మూవీ...

ఈ మైథ‌లాజిక‌ల్ మూవీ ఓటీటీ రిలీజ్ డేట్ ఖ‌రారైంది. జూలై 24 నుంచి అమెజాన్ ప్రైమ్ వీడియోలో ఈ మూవీ స్ట్రీమింగ్ కాబోతుంది. తెలుగుతో పాటు మ‌రో నాలుగు భాష‌ల్లో విడుద‌ల అవుతోంది.

నిర్మాణ ద‌శ నుంచే...

బ‌డ్జెట్‌, లోకేష‌న్స్ కార‌ణంగా నిర్మాణ ద‌శ నుంచే తెలుగు ఆడియెన్స్‌లో నాగ‌బంధం ఆస‌క్తిని రేకెత్తిస్తూ వ‌చ్చింది. కాన్సెప్ట్ బాగున్నా థ్రిల్లింగ్‌గా చెప్ప‌డంలో డైరెక్ట‌ర్ త‌డ‌బ‌డిపోవ‌డం , ర‌న్ టైమ్ ఎక్కువ కావ‌డంతో సినిమా నెగెటివ్ టాక్‌ను మూట‌గ‌ట్టుకుంది. వీఎఫ్ఎక్స్‌, గ్రాఫిక్స్‌పై విమ‌ర్శ‌లు వ‌చ్చాయి.

రుద్ర పోరాటం...

రుద్ర త‌న చెల్లి పెళ్లిని గ్రాండ్‌గా జ‌రిపించాల‌ని క‌ల‌లు కంటుంటాడు. డ‌బ్బు అవ‌స‌రం కావ‌డంతో ఓ గ్యాంగ్‌తో క‌లిసి బ్ర‌హ్మ క‌మ‌లం కోసం భైర‌వ‌కోన వెళ‌తాడు. అక్క‌డ జ‌రిగిన ఓ ప్ర‌మాదం నుంచి రుద్ర‌ను పార్వ‌తి కాపాడుతుంది. ఇద్ద‌రు ప్రేమ‌లో ప‌డ‌తారు. బ్ర‌హ్మ‌క‌మ‌లం రుద్రం ద‌గ్గ‌ర ఉంద‌నే అనుమానంతో పార్వ‌తి సాయంతో జుల్ఫిక‌ర్ అలీ...రుద్ర కుటుంబాన్ని అంతం చేస్తాడు. అస‌లు జుల్ఫీక‌ర్ అలీ ఎవ‌రు? అత‌డికి రుద్ర‌తో ఉన్న శ‌త్రుత్వానికి కార‌ణ‌మేమిటి? విరాట స్వామి ఆల‌యంలోని నాగ‌బంధాన్ని ఛేదించాల‌ని అనుకున్న జుల్ఫీక‌ర్ అలీ ప్ర‌య‌త్నాల‌ను రుద్ర ఎలా ఎదుర్కొన్నాడు? ప్రేమించిన రుద్ర‌కు పార్వ‌తి ఎందుకు ద్రోహం చేసింది అన్న‌దే ఈ మూవీ క‌థ‌.